SARANGO AVIZITE
YE TI MANDA 7
Ngbâ ti gi ti aidé azo
Mama-ndia ni: “Ala zia pëpe ti fa ye na ti fa nzoni tënë.”—Kus. 5:42.
Ye so Paul asara lani
1. Bâ VIDÉO ni, wala diko Kusala 19:8-10. Na pekoni kiri tënë na ahunda so:
Ahon ti tene Paul adécouragé na ngoi so ambeni zo akanga lege na lo, nyen la lo sara ti ngbâ ti aidé azo so asara nzara ti tënë ni?
Fani oke la Paul akiri ti fa ye na azo so asara nzara ti tënë ni? Lo sara ni na yâ ti ngu oke?
Tapande ti Paul afa na e nyen?
2. E doit ti mû ngoi nga ti sara effort ti sara anzoni vizite nga ti komanse ti manda Bible na azo.
Sara ye tongana Paul
3. Duti nduru ti gue ti bâ zo ni na ngoi so alingbi na lo. Hunda terê ti mo: ‘Ngoi wa la peut-être lo yeke na temps ti tene e sara lisoro?’ Kiri mo bâ lo même tongana ngoi so lo fa anzere na mo ape.
4. Leke mbeni ngoi ti kiri ti bâ lo. Na hunzingo ti lisoro oko oko, gi ti mä terê na zo ni na ndö ti mbeni mbilimbili ngoi so mo peut ti kiri ti bâ lo. Duti sûr so mo yeke kiri ti bâ lo.
5. Ngbâ ti duti na beku. Tene hio ape so tënë ni anzere na zo ni ape gï ndali ti so a yeke ngangu ti wara lo na yanga-da wala lo yeke na aye mingi ti sara (1 aCor. 13:4, 7). Sara kue ti wara zo ni, me bâ si mo buba ngoi ti mo ape.—1 aCor. 9:26.