KIRINGO TËNË NA AHUNDA TI AZO
Ngbanga ti nyen la a yeke wara aprophétie na yâ ti Bible?
Ngbanga ti nyen la Bible afa aye so ayeke si na ngoi ti e?—LUC 21:10, 11.
Aprophétie, so afa anzene nzene ye so ayeke si ande, asi singo na yâ ti Bible. Mbeni zo apeut pëpe ti fa anzene nzene ye so ayeke si kekereke. Ni la, aprophétie ti Bible so aga tâ tënë afa na e polele so Bible ayeke Tënë ti Nzapa.—Diko Josué 23:14; 2 Pierre 1:20, 21.
Aprophétie ti Bible so aga tâ tënë awe amû lege na e ti mä na bê na Nzapa (aHébreu 11:1). A sara nga si e yeke na confiance so azendo ti Nzapa, so andu mbeni nzoni gigi ti kekereke, ayeke ga ande tâ tënë. Biani, aprophétie ti Bible amû na e tâ beku.—Diko Psaume 37:29; aRomain 15:4.
Aprophétie ti Bible alingbi ti mû maboko na e tongana nyen?
Ambeni prophétie ni ayeke pusu awakua ti Nzapa ti sara ambeni ye. Na tapande, na ngoi so aChrétien ti ândö abâ so ambeni prophétie ni aga tâ tënë na ngoi ti ala, ala quitté gbata ti Jérusalem. Na pekoni, na ngoi so a ga a futi gbata ni, ngbanga ti so azo ni ake Jésus, aChrétien ni ayeke ti ala déjà lani na mbeni nzoni ndo awe.—Diko Luc 21:20-22.
Laso, aprophétie so aga tâ tënë afa so Royaume ti Nzapa aga nduru ti futi aroyaume nga na agouvernement ti azo awe (Daniel 2:44; Luc 21:31). Ni la, a yeke na zo oko oko fadeso ti sara kue ti nzere na lê ti Jésus Christ, so ayeke Gbia so Nzapa la asoro lo.—Diko Luc 21:34-36.