Ye ti tene na ndo ti apériodique

Tour ti Ba Ndo 1 août

“Azo mingi atene iri ti Nzapa ayeke gi Lo ti Ngangu Ahon Kue. Mo hinga so Bible afa na e iri ti Nzapa? [Zia zo ni akiri tënë. Na pekoni diko Genèse 22:14.] Mbeti so afa ndani so a zi iri ti Nzapa na yâ ti ambeni Bible nga aye ti tene nyen ti hinga Nzapa na iri ti lo.”

Réveillez-vous! août

“Laso afilm mingi ayeke fa asioni yingo, azo ti likundu nga na magie. Mo pensé so asioni yingo ayeke dä? [Zia zo ni akiri tënë. Na pekoni diko 1 aCorinthien 10:20.] Mbeti so afa tënë so Bible atene na ndo ti asioni yingo nga tongana nyen e lingbi ti kpe ala.” Fa article so ato nda ni na lembeti 20.

Tour ti Ba Ndo 1 septembre

“Mbeto asara azo mingi so fade sese ayeke buba wala ayeke futi na lege ti aye tongana bombe atomique wala aye tongana chauffengo ti ndo. Mo pensé so ye tongaso ayeke si ande? [Zia zo ni akiri tënë.] Bâ tënë so Bible atene na ndo ti tënë so. [Diko Apocalypse 11:18.] Mbeti so akiri tënë na ahundango ndo osio so azo ayeke hunda ka na ndo ti futingo ti dunia.”

Réveillez-vous! septembre

“Ti mo aye tongana téléphone portable, Internet, na aSMS amû maboko na azo ti duti gi ala oko encore pëpe wala akiri asara si azo aduti tâ gi ala oko? [Zia zo ni akiri tënë.] Mbeni wango ayeke ge so ayeke mû maboko na e ti hon ndo ti dutingo gi e oko. [Diko Kusala 20:35.] Mbeti so akiri amû na e mbeni nzoni wango so alondo na Bible.”