A yeke bâ versê ti lâ oko oko na abungbi ti fango tënë mbeni pëpe
Kozo, na abungbi ti fango tënë a lingbi ti sara mbeni nduru lisoro na ndo ti versê ti lango ni so tongana andu fango tënë. Me ti fadeso agbian ni awe. A yeke nzoni ti sara kusala pëpe na Gingo nda ti tënë ti Nzapa lâ oko oko tongana mbeni ye ti sarango na lisoro na bungbi ti fango tënë. Tongana ti so a yeke sara ka lakue, zo so ayeke mû li ni na bungbi ti fango tënë alingbi ti sara kusala na Bible, Kusala ti Royaume, buku Ekole ti Kusala, buku Comment raisonner wala mbeni mbeti nde so abâ kusala ti fango tënë. A yeke nzoni ala so ayeke mû li na bungbi ti fango tënë aleke tere ti ala kozoni tongaso si ala fa ambeni mbilimbili ye so alingbi ti mû maboko na ala so aga ti sigigi na fango tënë na lango ni so. Legeoko tongana ti so a yeke sara kozo, a yeke nzoni bungbi ti fango tënë ni ahon penze-ngbonga 10 wala 15 pëpe na tongana a yeke sara ni na peko ti abungbi ti congrégation, a yeke nzoni aduti nduru.