“Gi ti zia na azo mbeni ngbene périodique wala mbeni brochure so alingbi na ala”

Na yâ ti anze so e yeke zia na azo buku Bible afa na e yeke hunda na ala ti to nda ti étude na ala na kozo gango ti e, a wa e ti “gi ti zia na azo mbeni ngbene périodique wala mbeni brochure so alingbi na ala” atâa azo ni ayeke na buku ni kozo awe na ala ye pëpe ti sara étude. Ngbanga ti nyen?

A yeke wara na yâ ti abrochure nga na angbene périodique atënë nde nde so alingbi na dutingo ti azo. Mbeni ye na yâ ti ambeti so alingbi ti ndu bê ti zo so e mû na lo mbeti ni. Ni la, tongana mo yeke leke bozo ti fango tënë ti mo, zia na yâ ni mara ti abrochure nga na angbene périodique nde nde dä. Tongana mo yeke na angbene périodique pëpe, peut-être mo lingbi ti gue na place ti mungo ambeti na bungbi ti wara ni. Nga, tongana zo ni ayeke na buku Bible afa kozoni awe me lo ye pëpe ti sara étude, mo lingbi ti fa na lo ambeni ngbene périodique na abrochure so mo yeke na ni na mo hunda na lo ti mû ti so anzere na lo. Na pekoni, mä tere na lo ti kiri ti bâ lo. Peut-être ala yeke to nda ti étude ande.