Fa tënë na “mara ti azo nde nde kue”

¹ Mbeni wakode so ahinga kua ti lo nzoni ayeke na agbakuru ti kua nde nde, na lo hinga ngoi wa nga tongana nyen ti sara kua na agbakuru ni oko oko kue. Legeoko nga, e awafango tënë e yeke na agbakuru nde nde ti mû maboko na e ti fa tënë nzoni. Na tapande, a sigigi na abrochure nde nde ti mû lege na e ti fa tënë na “mara ti azo nde nde kue”. (1 aCor.9:22). Supplément ti Kusala ti Royaume so afa na e ambeni brochure ni, na afa na e azo so e lingbi ti mû ni na ala, nga tongana nyen ti sara kusala na ni.

² Na ngoi wa e lingbi ti sara kua na abrochure? Mbeni wakode ayeke sara kua na mbeni gbakuru na ngoi kue so lo bâ so a yeke mû maboko na lo. Legeoko nga, e lingbi ti sara kua na mbeni brochure na ngoi kue so e bâ a yeke mû maboko na mbeni zo, me pëpe gi na yâ ti anze so a yeke sara kua na ni. Na tapande, tongana mbeti ti fa na tënë na nze ni so ayeke buku Bible afa si e yeke fa tënë na ndo so azo ni ayeke aChrétien pëpe na so tënë ti Bible agbu bê ti ala mingi pëpe, a yeke peut-être nzoni ti mû na zo ni mbeni brochure so alingbi na lo. Na pekoni tongana e sara si nzara ti tënë ni adü na yâ ti bê ti zo ni, e lingbi ti mû na lo buku Bible afa.

³ Bible agonda mingi azo so ayeke sara kua ti ala na kode (aProv. 22:29). Biani, laso mbeni kusala ti lingbi na “kusala so ayeke nzoni-kue”, so ayeke ti fango nzoni tënë ti Nzapa, ayeke dä pëpe (aRom. 15:16). Ti duti “mbeni wakua so mbeni ye ti sara kamene na lo ayeke dä pëpe,” e yeke sara kue ti sara kua nzoni na agbakuru ti kua ti e.​—2 Tim. 2:15.

[Ahundango tënë ti manda na ye]

1. Na lege wa anzoni wafango tënë ayeke tongana awakode so ahinga kua ti ala nzoni?

2. Na ngoi wa e lingbi ti sara kua na abrochure?

3. Ngbanga ti nyen a lingbi e sara kua nzoni na agbakuru ti kua ti e?