Akode ti fango na tënë

Ti to nda ti a-étude na kozo samedi ti nze ti novembre

“Ti mo azo so ayeke sara ngangu ti mä yanga ti Nzapa ayeke na ngia mingi? [Zia zo ni akiri tënë.] Article so afa ambeni pendere tënë.” Mû na zo ni Tour ti Ba Ndo ti lango 1 ti novembre na Français, nga diko tënë so ayeke na gbe ti kete li ti tënë ti lembeti 16-17 na sara lisoro na zo ni na ndo ni. Diko mbeni versê ni oko wala use tongaso. Mû apériodique ni na lo, na mä tere na lo ti ga ti kiri tënë na hundango tënë so aga na pekoni.

Tour ti Ba Ndo 1 novembre

Fa ndo ti mbeti ni na zo ni na hunda lo, “Bê ti mo ayeke duti tongana nyen tongana mo mä so a tene mvene na mo na ndo ti Nzapa? [Zia zo ni akiri tënë.] Bâ tënë so Jésus atene lani na ndo ti ye so alingbi ti mû lege na e ti sara kangbi na popo ti tâ tënë na mvene. [Diko Jean 17:17.] Tongaso, gi Bible oko la ayeke tene tâ tënë na e na ndo ti Nzapa. Périodique so asara tënë na ndo ti atënë ti mvene oku so azo ayeke tene ka na ndo ti Nzapa na so Bible afa ni.”

Réveillez-vous! novembre

“Tongana e duti kpô, e bâ dunia so nzoni, e lingbi ti tene so Nzapa la aleke ni wala aye kue aga gi tongaso? [Zia zo ni akiri tënë.] Bâ tënë so mbeni oko ti azo so asû Bible atene na peko ti so lo bâ dunia ni. [Diko aRomain 1:20.] Périodique so afa ye so awasenda-ye abâ na ndo ti cellule ti zo na so azi lê ti azo na ndo ti tënë so.”