Akode ti fango na tënë

Ti to nda ti a-étude na kozo samedi ti nze ti octobre

“Mingi ti e aye ti wara mbeni nzoni gouvernement. Ti mo, mara ti gouvernement wa la alingbi ti leke akpale ti e? [Zia zo ni akiri tënë.] Bâ tënë so.” Na pekoni mû na lo Tour ti Ba Ndo ti octobre–décembre, na bâ legeoko na zo ni mbeni oko ti akete li ti tënë so ayeke na lembeti 16 nga diko mbeni versê ni oko wala use so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo octobre–décembre

Diko Psaume 65:3. Na pekoni tene na zo ni: “Azo mingi ayeda so Nzapa ayeke ‘mä sambela,’ na ala yeke sambela lâ na lâ. Me ambeni ayeke hunda tere ti ala, ‘Tongana Nzapa ayeke dä, ngbanga ti nyen akpale ayeke mingi tongaso na yâ ti dunia?’ Mo tene ti mo nyen? Mbeni Nzapa ayeke dä so ayeke mä asambela ti e? [Zia zo ni akiri tënë.] Mbeti so afa kiringo tënë ti Bible na hundango ndo so: ‘Ngbanga ti nyen Nzapa so ayeke mä sambela azia si azo ayeke bâ pasi?’”

Réveillez-vous! novembre

“E yeke sara vizite laso ti mû maboko na asewa. A yeke wara asewa mingi so gi babâ wala mama ni lo oko la ayeke bata amolenge ti lo. Mo pensé so ala yeke na kpale mingi ahon asewa so babâ na mama ni use kue ayeke dä? [Zia zo ni akiri tënë.] Ababâ na amama mingi awara nzoni wango na yâ ti Bible. [Diko 2 Timothée 3:16.] Mbeti so afa ambeni wango so ayeke mû maboko na ababâ wala na amama so gi ala oko la ayeke bata amolenge ti ala ti tene ala sara kua ti ala ti babâ wala ti mama nzoni.”