Akode ti fango na tënë

Ti to nda ti a-étude na kozo samedi ti nze ti avril

“Batême ayeke ye so mingi ti aChrétien ayeke sara ka. Mo pensé so batême ayeke kota ye? [Zia zo ni akiri tënë.] Article so afa ambeni pendere tënë na ndo ni.” Mû na zo ni Tour ti Ba Ndo ti lango 1 ti avril, nga ala bâ legeoko tënë so ayeke na gbe ti kozo kete li ti tënë so ayeke na lembeti 16 na ala diko mbeni versê oko wala use so ayeke na yâ ni. Mû apériodique ni na lo, na mä tere na lo ti ga ti kiri tënë na hundango tënë so aga na pekoni.

Tour ti Ba Ndo 1 avril

“Azo ayeke tene atënë nde nde na ndo ti Jésus. Ambeni atene so lo yeke Messie so a sara tënë ti gango ti lo. Ambeni atene so lo yeke gi mbeni nzoni zo. Ambeni zo angbâ ti pensé so lo yeke ti lo dä lâ oko pëpe. Ka mo tene ti mo nyen? [Zia zo ni akiri tënë.] Ti Bible, a yeke kota ye ti hinga tâ tënë na ndo ti lo. [Diko Jean 17:3.] Mbeti so afa akiringo tënë so Bible akiri na ni na ndo ti ambeni hundango ndo so azo ayeke hunda ka na ndo ti Jésus.”

Réveillez-vous! avril

“E ga ti mû maboko na asewa. Mo bâ so laso asewa ayeke tingbi na akpale mingi? [Zia zo ni akiri tënë.] Bâ ndo so mingi ti asewa awara anzoni wango dä. [Diko Psaume 119:105.] Mbeti so afa tongana nyen asewa so koli na wali ni adü amolenge kozo awe si ala mû tere awara lege ti hon ndo ti akpale ti ala na sarango ye alingbi na awango ti Bible.”