Ye ti tene na ndo ti apériodique

Tour ti Ba Ndo 1 mars

“Laso azo ayeke sara divorce mingi. Ti mo, mo pensé so tâ ndani ayeke nyen? [Zia zo ni akiri tënë.] Bâ wango so ayeke ge, so asewa mingi abâ so amû maboko na ala mingi. [Diko 1 aCorinthien 10:24.] Mbeti so afa aye omene so akoli na awali so asara mariage awe ayeke dema tere na ndo ni, na afa nga tongana nyen sarango ye ague oko na awango ti Bible alingbi ti mû maboko.”

Réveillez-vous! mars

Tongana mo tingbi na mbeni maseka, fa na lo article so ato nda ni na lembeti 26. Fa na lo kozo kete li ti tënë ni na hunda lo: “Ti mo, atënë so a tene so ayeke tâ tënë wala mvene? [Zia zo ni akiri tënë. Na pekoni diko 2 aCorinthien 7:1.] Mbeti so afa ye so a lingbi mo hinga na ndo ti nyongo manga nga tongana nyen ti zia lege ni.”

Tour ti Ba Ndo 1 avril

“A hinga aTémoin ti Jéhovah na fango tënë. Mo hunda tere ti mo lâ oko awe ngbanga ti nyen e yeke sara kua so? [Zia zo ni akiri tënë.] Bâ tënë so a tene ge so. [Diko Matthieu 24:14.] Périodique so akiri tënë na ahundango ndo so atene: Nzoni tënë ni so ayeke nyen? Royaume ni ayeke nyen? Nda ni so ayeke ga so ayeke nyen?”

Réveillez-vous! avril

“Mo kue mo yeda so tongana mbeni zo ti e so e ye lo mingi akui a yeke tâ mbeni ye ti ngangu teti e? [Zia zo ni akiri tënë.] Azo mingi abâ so wango so ge amû maboko mingi na ala. [Diko Psaume 55:23.] Périodique so afa ambeni ye so e lingbi ti sara ti hon ndo ti vundu nga tongana nyen ti zia aye so ane e na ndo ti Nzapa.”