Akode ti fango na tënë

Ti to nda ti a-étude na kozo samedi ti nze ti avril

“E yeke mû maboko na azo so ayeke nduru na e ti diko Bible ti ala. Ye oko, azo mingi apensé so ayeke ngangu ti gbu nda ti atënë ti Bible. Mo pensé so ayeke tâ tënë? [Zia zo ni akiri tënë.] Bâ tënë so a tene ge.” Fa na zo ni article so ayeke na ndangba lembeti ti Tour ti Ba Ndo ti 1 avril, na bâ kozo paragraphe ni legeoko na lo na diko mbeni oko ti aversê so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo 1 avril

“Azo oko oko kue so e sara lisoro na ala ayeke na akpale so a lingbi ala hon ndo ni. Ye so asara si ambeni zo ayeke hunda tere ti ala na ndo ti ndani so e yeke na fini. Ti mo, mbeni oko ti akota kpale so ayeke sara si laso zo ayeke duti na ngia pëpe ayeke so wa? [Zia zo ni akiri tënë.] Bible amû zendo so na yâ ti kete ngoi fade Nzapa ayeke ga ti leke akpale so e yeke tingbi na ni laso. [Diko Apocalypse 21:4.] Mbeti so asara tënë na ndo ti gigi ti e ti kekereke nga afa tongana nyen e lingbi ti duti na ngia na yâ ti gigi ti e laso.”

Réveillez-vous! avril

“Sarango ye ti ngangu na yâ ti sewa ayeke mbeni kpale so amû ndo ti sese kue. Ambeni zo atene so aye so ayeke na gunda ni ayeke ngobo ti sarango ye ti mbeni zo, sewa so lo kono dä nga na asioni ngia ti ngangu. Mo pensé ti mo so kota raison wa la ayeke na gunda ti sarango ye ti ngangu na yâ ti sewa? [Zia zo ni akiri tënë.] Bible afa so mbeni nzoni songo a lingbi ti duti na popo ti mbeni koli na wali [Diko aÉphésien 5:33.] Mbeti so asara tënë na ndo ti afango ye ti Bible so amû maboko na akoli na awali mingi ti sara si mariage ti ala aga nzoni.”