Akode ti fango na tënë

Ti to nda ti a-étude na kozo samedi ti nze ti juin

“Batême ayeke ye so mingi ti aChrétien ayeke sara ka. Mo pensé so batême ayeke kota ye? [Zia zo ni akiri tënë.] Article so afa ambeni pendere tënë na ndo ni.” Mû na zo ni Tour ti Ba Ndo ti avril-juin, nga ala bâ legeoko tënë so ayeke na gbe ti kozo kete li ti tënë so ayeke na lembeti 16 na ala diko mbeni versê oko wala use so ayeke na yâ ni. Mû nga mbeni périodique ni so na lo, na mä tere na lo ti ga ti kiri tënë na hundango tënë so aga na pekoni.

Tour ti Ba Ndo 1 juin

“Mbi ye ti hinga tënë ti bê ti mo na ndo ti mbeni kpengba tënë. [Zi mbeti ni na lembeti 3 na fa na lo molongo ti atënë so ayeke dä.] Na popo ti atënë so, ati so wa la ague oko na tënë ti bê ti mo na ndo ti Bible? [Zia zo ni akiri tënë.] Bâ ye so Bible atene na ndo ti lo wani. [Diko aRomain 15:4.] Mbeti so afa aye oku so afa so mbeni buku ti lingbi na Bible ayeke dä pëpe nga afa tongana nyen e lingbi ti wara ye ti nzoni dä.”

Réveillez-vous! juin

“Ngu oko oko azo kutu mingi na yâ ti dunia ayeke tï kobela ndali ti asioni kobe so ala yeke te. Ti mo, kobe so e yeke te na yâ ti vaka ti e ayeke nzoni kobe? [Zia zo ni akiri tënë.] Mbeti so afa aye osio so e lingbi ti sara ti bata sewa ti e si ala tï kobela pëpe na lege ti akobe so ala yeke te. A sara nga tënë na ndo ti azendo ti Bible so fade na yâ ti ngoi kete zo oko oko ayeke te gbâ ti anzoni kobe.” Diko Psaume 104:14, 15.