Akode ti fango na tënë

Ti to nda ti a-étude na kozo samedi ti nze ti mai

“Batême ayeke ye so mingi ti aChrétien ayeke sara ka. Mo pensé so batême ayeke kota ye? [Zia zo ni akiri tënë.] Article so afa ambeni pendere tënë na ndo ni.” Mû na zo ni Tour ti Ba Ndo ti lango 1 ti avril, nga ala bâ legeoko tënë so ayeke na gbe ti kozo kete li ti tënë so ayeke na lembeti 16 na ala diko mbeni versê oko wala use so ayeke na yâ ni. Mû apériodique ni na lo, na mä tere na lo ti ga ti kiri tënë na hundango tënë so aga na pekoni.

Tour ti Ba Ndo 1 mai

“Azo mingi abâ so a yeke nzoni abungbi ti vorongo Nzapa asara poroso, me ti ambeni ala bâ so a lingbi a bungbi poroso na tënë ti Nzapa pëpe. Mo tene ti mo nyen? [Zia zo ni akiri tënë.] Bâ ye so Jésus asara lani tongana azo ti ngoi ti lo aye ti tene lo yôro tere ti lo na yâ ti poroso. [Diko Jean 6:15.] Mbeti so afa ndani so Jésus ake lani ti sara poroso nga afa nzoni lege ti tene aChrétien amû maboko na amba ti ala.”

Réveillez-vous! mai

Mingi ti azo so e sara lisoro na ala afa so na yâ ti fini ti ala a sara mbeni ye so ayeke na lege ni pëpe na ala. Mo pensé so mara ti sarango ye tongaso ayeke hunzi ande? [Zia zo ni akiri tënë.] Bâ prophétie so asara tënë ti mbeni gbia so ayeke hunzi ande asarango ye so ayeke na lege ni pëpe. [Diko Psaume 72:11-14.] Na yâ ti Bible a yeke wara azendo so asara tënë ti mbeni gigi ti kekereke so sarango ye na lege ni ayeke duti dä. Mbeti so asara tënë na ndo ni.”