Akode ti fango na tënë

Ti to nda ti a-étude na kozo samedi ti nze ti mars

“E ga ti sara nduru lisoro na ala na ndo ti mbeni ye so ayeke si ande na lango 14 ti nze ti avril. Lango so ayeke duti ande lango ti dango bê na kuâ ti Jésus. Ambeni zo ayeke dabe ti ala na lango so ngbanga ti so ala bâ so kuâ ti Jésus ayeke kota ye na lê ti ala. Ambeni ahinga ti ala pëpe ndani so Jésus akui. Ala pensé so mbi na ala kue e lingbi ti wara aye ti nzoni na lege ti kuâ ti Jésus?” Zia zo ni akiri tënë. Fa na lo ndangba lembeti ti Tour ti Ba Ndo ti lango 1 ti nze ti mars, na bâ legeoko na lo atënë so ayeke na gbe ti kozo hundango tënë ni nga diko mbeni versê oko so a fa tënë ti yâ ni pëpe. Mû na lo apériodique ni, na mä tere ti sara lisoro na lo na ndo ti use hundango tënë ni.

Tour ti Ba Ndo 1 mars

“Azo mingi ayeke hunda tere ti ala ngbanga ti nyen Nzapa ahunzi pëpe aye ti kirikiri nga na apasi so azo ayeke bâ na yâ ti dunia. Ti ala, ala pensé so a yeke ndali ti so Nzapa ake ti bi bê ti lo na azo? Wala ala pensé so Nzapa la aye ti tene azo abâ pasi? [Zia zo ni akiri tënë. Na pekoni diko Jean 3:16.] Atâa so azo mingi ayeke diko ka versê so ti fa so Nzapa andoye e mingi, ala hinga mbilimbili pëpe tongana nyen ti wara aye ti nzoni na lege ti kuâ ti Jésus. Mbeti so afa tongana nyen la grâce na kuâ ti Jésus, Nzapa ayeke sara si aye ti kirikiri nga na apasi kue ahunzi na yâ ti dunia.”

Réveillez-vous! mars

“E ga ti sara nduru lisoro na ala na ndo ti mbeni bango ndo so ayeke na lege ni pëpe so azo mingi ayeke na ni na ndo ti versê so. [Diko Genèse 1:1.] Ambeni zo ayeda so Nzapa la acréé aye kue me ambeni ayeda na ni pëpe. Ala tene ti ala nyen? [Zia zo ni akiri tënë.] A yeke ngangu na azo mingi ti yeda na tënë ti création ngbanga ti so akota zo ti nzapa ayeke fa mbeni ye so Bible atene ni lâ oko ape. Mbeti so afa aye so Bible atene na ndo ti lekengo dunia. Afango ye ni ague gi oko nga zo alingbi ti zia bê ti lo kue na ni.”