Akode ti fango na tënë

To nda ti a-étude na kozo samedi ti nze ti octobre

“Bara ala, e ga ti sara lisoro kete na ala na ndo ti mbeni nzoni gouvernement. Ala pensé so mbeni gouvernement ayeke dä so ayeke na ngangu ti zi akota kpale, tongana sarango ngangu na zo nga na sarango ye ti kirikiri?” Zia zo ni akiri tënë. Dabe ti zo ni na ndo ti sambela ti Babâ ti e so ayeke na yayu, so na yâ ni Jésus afa ni lani na adisciple ti lo ti sambela ndali ti mara gouvernement ni so ti tene aga, so ayeke Royaume ti Nzapa. Fa na lo article so ayeke na peko ti Tour ti Ba Ndo ti lango 1 ti nze ti octobre, na bâ legeoko na lo tënë so ayeke na gbe ti kozo hundango tënë ni nga diko mbeni oko ti aversê so afa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo 1 octobre

“Bara ala, e yeke sara lisoro kete na amba ti e na ndo ti atënë ti sambela so azo ahinga ni mingi so Jésus afa lani na adisciple ti lo. [Diko Matthieu 6:9, 10.] Mbeni zo afa na ala tënë nzoni na ndo ti Royaume ti Nzapa awe? Ti ala, Royaume ti Nzapa ayeke nyen? Ngbanga ti nyen Jésus agboto lê mingi na ndo ni na yâ ti afango ye ti lo? [Zia zo ni akiri tënë.] Mbeti so afa ye so Bible atene na ndo ti Royaume ti Nzapa nga na aye ti nzoni so lo yeke ga ande na ni na ndo ti sese.”

Réveillez-vous! octobre

“Bara ala, e yeke sara lisoro kete na azo kue ti mû maboko na ala ti wara kiringo tënë na hundango ndo so. [Fa na lo ndo ti Réveillez-vous! ni.] Ala pensé so tongana zo ayeke na mosoro mingi si gigi ti lo aga nzoni? [Zia zo ni akiri tënë.] Bible afa mbeni nzoni bango ndo na ndo ti warango gbâ ti akungba. [Diko Luc 12:15.] Tongana ti so Bible atene, gigi ti azo kue alingbi ti ga nzoni me gi pëpe azo ti mosoro. Mbeti so asara tënë na ndo ni.”