Akode ti fango na tënë

Ti to nda ti a-étude na kozo samedi ti nze ti octobre

“Azo ti akodoro nde nde na ti abungbi ti vorongo Nzapa nde nde ayeke sambela lâ na lâ. Mo pensé so Nzapa ayeke mä asambela kue na lo yeke kiri tënë na ni?” Zia zo ni akiri tënë. Na pekoni, mû na lo Tour ti Ba Ndo ti lango 1 ti nze ti octobre nga ala bâ legeoko tënë so ayeke na gbe ti kozo kete li ti tënë so ayeke na lembeti 30 na ala diko mbeni versê oko wala use so ayeke na yâ ni. Zia na lo apériodique ni na mä tere na lo ti kiri ti ga ti sara lisoro na ndo ti use hundango ndo ni.

Tour ti Ba Ndo 1 octobre

Fa ndo ti périodique ni na zo ni, na hunda lo: “Mo yeke kiri tënë na hundango ndo so tongana nyen? [Zia zo ni akiri tënë.] Bâ tënë so Bible atene. [Diko 1 Jean 5:19.] Ti versê so, ‘Zo ti sioni,’ wala Zabolo, la ayeke komande dunia so. Me ye so asara si e yeke hunda ambeni tënë. Zabolo alondo na ndo wa? Lo yeke dä biani? Nzapa ayeke zia lo ti komande ngbii juska lawa? Mbeti so afa tënë so Bible atene na ndo ni.”

Réveillez-vous! octobre

“E ga laso ti mû maboko na asewa. Ni la, ti mo, kota kpale wa ababâ na amama ayeke wara laso na ngoi so ala yeke bata amolenge ti ala? [Zia zo ni akiri tënë.] Ambeni babâ na amama ayeke zia si Bible la afa lege na ala. Na tapande, pendere wango so ge ayeke mû maboko na ngoi so ala yeke se amolenge. [Diko aÉphésien 4:31.] Mbeti so afa tongana nyen wango ti Bible alingbi ti mû maboko na ababâ na amama na ngoi so molenge ti ala angbâ kete juska lo kono na ni.”