Akode ti fango na tënë

Ndali ti kapa ti tisango azo na Mémorial

“E yeke kangbi ambeti ti tisango zo na mbeni kota matanga. Na lango 14 ti nze ti avril, azo kutu mingi na yâ ti dunia kue ayeke bungbi oko ti dabe na kuâ ti Jésus Christ nga ti mä mbeni diskur so ayeke fa tongana nyen e lingbi ti wara aye ti nzoni na lege ti kuâ ti lo ni. A yeke hunda nginza pëpe. Mbeti ti tisango ndo so afa ndo nga na l’heure so e yeke sara na bungbi ni na yâ ti vaka ti e.”

Tour ti Ba Ndo 1 avril

“E yeke sara nduru vizite na azo kue ti sara lisoro na ndo ti mbeni ye so azo mingi ayeke sara ka ni. Atâa bungbi ti vorongo Nzapa ti ala ayeke so wa, mingi ti azo ayeke sambela ka. Ala pensé so Nzapa ayeke kiri tënë na asambela kue, wala ala pensé so sambela ayeke dë gi bê ti e na yâ ti akpale ti e awe? [Zia zo ni akiri tënë.] Bâ ye so Bible atene na ndo ti sambela. [Diko 1 Jean 5:14.] Mbeti so afa tongana nyen sambela alingbi ti ga na e aye ti nzoni.”

Réveillez-vous! avril

“E ga ti mû maboko na azo na ndo ti mbeni kpale so ayeke si laso na azo mingi. Teti so a yeke ngangu na ambeni zo ti hon ndo ti akpale so ala yeke tingbi na ni na yâ ti fini ti ala, ala bâ so a lingbi ala fâ gi tere ti ala. Tongana vundu ahon ndo ti mbeni zo si lo ye ti fâ tere ti lo, ala pensé so lo ye biani ti kui? Wala lo ye gi ti wara dengo bê na yâ ti pasi so lo yeke dä? [Zia zo ni akiri tënë.] Bâ mbeni zendo ti Bible so amû maboko na azo mingi ti ngbâ ti duti na nzoni bango ndo. [Diko Apocalypse 21:3, 4.] Mbeti so afa ambeni kota raison ota so alingbi ti mû maboko na mbeni zo ti fâ tere ti lo ape atâa akota kpale so lo wara.”