Akode ti fango na tënë

Ti to nda ti a-étude na kozo samedi ti nze ti juillet

“Ti ala nyen la Nzapa ayeke pensé na ndo ti asambela ti e? Ala pensé so lo yeke bâ asambela ni na nene ni wala lo yeke yeda na ni gi tongaso?” Zia zo ni akiri tënë. Fa na lo article so ayeke na ndangba lembeti ti Tour ti Ba Ndo ti lango 1 ti nze ti juillet, na bâ legeoko na lo tënë so ayeke na gbe ti kozo hundango tënë ni nga diko mbeni oko ti aversê so afa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo 1 juillet

“So Nzapa ayeke lo ti ngangu ahon kue, ala pensé so lo la lo yeke na peko ti aye ti sioni so ayeke si na yâ ti dunia? [Zia zo ni akiri tënë. Na pekoni diko Jacques 1:13.] Mbeti so afa ndani so aye ti sioni ayeke si nga afa ye so Nzapa ayeke sara ande ti hunzi aye ti sioni nga na apasi.”

Réveillez-vous! juillet

“Nyen na nyen, azo kue ayeke tingbi na ambeni ngangu kpale na yâ ti gigi ti ala, na tapande, ye tongana yengingo ti sese wala ngu so asuku si amû ndo, mbeni ngangu kobela, wala kuâ ti mbeni zo ti e so e ye lo mingi. Tongana aye tongaso asi, ala pensé so ayeke kota ye ti ngbâ ti duti na mbeni nzoni bango ndo? [Zia zo ni akiri tënë.] Azo mingi abâ so Bible amû maboko na ala ti hon ndo ti akpale tongaso. [Diko aRomain 15:4.] Mbeti so afa tongana nyen la Bible alingbi ti mû maboko na e na ngoi so e tingbi na mbeni ngangu kpale.”