Akode ti fango na tënë

Ti to nda ti a-étude na kozo samedi ti nze ti juillet

“Azo ti yâ ti vaka ti e kue aye ti duti na ngia nga na mbeni fini so aninga. Me e ye ti hinga tënë ti bê ti mo na ndo ti hundango tënë so: Mo pensé so senda-ye na akode ti kaïngo kobela alingbi ti sara si e ngbâ na fini teti lakue lakue? [Zia zo ni akiri tënë.] Bâ ye so a tene ge.” Fa article so ayeke na ndangba lembeti ti Tour ti Ba Ndo ti 1 juillet, na manda na lo atënë so ayeke na gbe ti kozo hundango tënë ni; na diko mbeni oko ti aversê so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti use hundango tënë ni.

Bâ tënë so si: A yeke sara ande démonstration so na ngoi ti bungbi ti fango tënë ti lango 6 ti juillet.

Tour ti Ba Ndo 1 juillet

“Mingi ti azo so e sara lisoro na ala ayeke na abungbi ti nzapa ti ala. Me ambeni atene so ala yeke na confiance oko pëpe na abungbi ti nzapa. Mo pensé ti mo nyen na ndo ti abungbi ti nzapa? [Zia zo ni akiri tënë.] Jésus amû maboko na e ti hinga tâ bungbi ti vorongo Nzapa. [Diko Luc 6:44a.] Mbeti so asara tënë na ndo ti ambeni sioni sarango ye ti abungbi ti nzapa nga akiri tënë na hundango ndo so: Ti mo, mbeni nzoni bungbi ti Nzapa ayeke dä?”

Réveillez-vous! juillet

“E yeke sara lisoro na amba ti e na ndo ti mbeni kpale so amû vundu mingi na azo, so ayeke sarango ye na lege ni pëpe so ndia ake ni. Ambeni zo ayeke sigigi na lege ti ke polele tënë ti sarango ye na lege ni pëpe so ndia ake ni. Mo pensé ti mo so sarango tongaso alingbi ti leke kpale ni? [Zia zo ni akiri tënë.] Bâ ye so ayeke ga na tâ gbiango ye na ndo ti sese so Bible asara tënë ni. [Diko Matthieu 6:9, 10.] Mbeti so akiri tënë na hundango ndo so: Ti sigigi na lege ti ke tënë ni polele la ayeke leke kpale ni so?”

Nzoni tënë so alondo na Nzapa!

“E yeke sara lisoro na asewa na yâ ti vaka ti mo ti wa ala na ndo ti Bible. Mingi ti azo so e sara lisoro na ala ayeke hunda tere ti ala ngbanga ti nyen Nzapa ti ndoye azia si azo ayeke bâ pasi mingi na yâ ti dunia. Mo pensé ti mo so na tongo nda ni Nzapa asara azo ti tene ala bâ pasi?” Zia zo ni akiri tënë. Gue na ye ti manda 5, diko na sara lisoro na ndo ti aparagraphe oko na use ti kozo hundango tënë ni nga na aversê so a zia na tere ni diko. Mû na lo brochure ni, na mä tere ti kiri ti sara use hundango tënë ni.