Ngbanga ti nyen a yeke nzoni e gue hio?

Na ngoi so e wara tere na bungbi ti fango tënë, e yeke na popo ti aita na a yeke na lege ni ti sara lisoro. Me, tongana bungbi ti fango tënë ni ahunzi awe, a lingbi e sara hio ti gue na territoire. Kua ti fango tënë ayeke ye so a lingbi e sara ni hio (2 Tim. 4:2). Tongana e gue hio na territoire ape, a yeke sara si ngoi ti fango tënë ni ayeke mingi ape. E yeke wara ande lege ti kpengba aita ti e na ngoi so e na ala e yeke sara kua maboko na maboko na fango tënë. Tongana e gue hio na territoire sân ti tene e ku, a yeke fa so e yeke sara kua na Jéhovah nga na Molenge ti lo tongana angbâa.—aRom. 12:11.