Mo leke tere ti mo ndali ti Mémorial ni awe?
Na lango 13 ti Nisan ti ngu 33 ti ngoi ti e, Jésus ahinga so angbâ na lo gi lakui oko ti duti na tere ti abazengele ti lo kozo si a fâ lo. Lo sara tanga ti matanga ti Pâque na ala nga lo zia mbeni fini ye na sese, so a iri ni Kobe ti Seigneur. Mara ti fini ye so lo zia na sese so ayeke kota mingi ni la a hunda ti tene a leke ni nzoni. Ni la, Jésus atokua Pierre na Jean ti tene ala gue ala leke aye ni (Luc 22:7-13). Ngbene ye na ngoi ni so, ngu oko oko a yeke sara matanga ni so, ni la a yeke kota ye ti tene aChrétien kue so aye ti ga ande na Mémorial ni aleke tere ti ala nzoni ndali ti kota lango so (Luc 22:19). Aye wa la e lingbi ti leke ni ndali ti Mémorial so ayeke ga ande na lango 3 ti avril so?
Ye so a lingbi awafango tënë asara:
Ala leke ti kangbi ambeti ti tisango ndo na Mémorial na azo mingi.
Ala sû iri ti azo so ala yeke manda Bible na ala, afami ti ala, akamarade ti ala ti ekole, azo so ala na ala ayeke sara kua place oko, nga na ambeni zo so ala hinga ala, na tisa ala.
Ala diko nga ala gbu li na ndo ti aversê ti Bible so a zia ni ndali ti Mémorial ni.
Ala ga na l’heure ti yamba azo so ayeke ga na Mémorial ni.