Mo peut ti wara anzoni ye so Nzapa amû zendo ni
Mo ye ti duti na yâ ti mbeni dunia so bira, sarango ye ti ngangu na zo nga kengo terê ayeke dä ape?
Mo ye ti tene kobela, pasi, nga na kuâ aduti dä encore ape?
Eskê mo ye ti tene mbeto nga na gingo bê ahon ndö ti mo ape?
Mo ye ti vivre na mbeni ndo so aye tongana kota ngu so asuku amû ndo ayeke dä ape?
Nzapa ti ndoye, so acréé pendere sese ti e, amû zendo ti mû na azo mbeni gigi so siriri nga na nzoni duti ayeke dä teti lakue lakue. So ayeke tënë ti bango li la ape.
Na yâ ti ambage so aga na peko, e hunda mo ti gbu li ti bâ:
Tongana nyen la Zo so acréé e andoye e?
Tënë wa la Mbeti ti Nzapa afa na e?
Nyen la aprophète ti Nzapa afa na ndö ti azendo ti Nzapa?
Na lege wa la Nzapa ayeke aidé e ti duti na ngia laso nga na yâ ti angoi so ayeke ga?
Zia e bâ fadeso aye kue so Nzapa amû na e so afa so lo ye tâ e mingi.