Lege ti sara kua na kode ti sarango na alisoro

Aita asara kua ngangu ti leke kode ti sarango na alisoro, na awafango tënë mingi abâ so aga na aye ti nzoni mingi na yâ ti territoire ti ala. Ye oko, so aye so ayeke si ayeke nde nde na yâ ti dunia, na fango tënë awafango tënë alingbi ti sara kua na mbeni kode nde senge wala mbeni tënë nde so ayeke ndu bê ti azo ti territoire ti ala. Me ti mbeni kapa ti fango tënë so ayeke nde, zo kue adoit ti mû peko ti afango lege kue so a mû ndali ni. Ye so e gi ti si dä ayeke ti sara kua so Jésus amû na e so ayeke ti fa nzoni tënë ti Royaume.—Mt 24:14.

Tongana awafango tënë ayeke sara devoir so a mû na ala, ala doit ti sara kua na tënë ti kode ti sarango na lisoro so ayeke na yâ ti Mbeti ti Bungbi: Kusala ti e nga na gigi ti e ti Chrétien. Ye oko, tongana a fa mbeni ye nde ape, ala lingbi ti soro mbeni hundango tënë, mbeni versê, mbeni hundango tënë ti peko wala mbeni ye nde so ayeke gbu bê ti azo ti territoire ti ala. Ye so achangé fango lege so ayeke na lembeti 8 ti mbeti ti bungbi ti juin 2020.