Lege ti to nda ti alisoro na lege ti atract

Depuis janvier 2018, a zia kode ti sarango na alisoro na ndö ti couverture ti Mbeti ti bungbi: Kusala ti e nga na gigi ti e ti Chrétien. A wa e ti sara lisoro na azo, me pëpe ti mû gï ambeti na ala. Ti mû maboko na awafango tënë ti changé kode ti ala, avidéo ti kode ti sarango na alisoro afa na e tongana nyen ti to nda ti mbeni lisoro na sarango kua gï na Bible. Me so aye ti tene so, a lingbi e sara kua pëpe na ambeti ti e na ngoi ti fango tënë da na da? Oko ape! Na tapande, atract alingbi ti duti mbeni nzoni ye ti tongo nda ti mbeni lisoro. E lingbi ti sara kua na akode so ayeke na gbe ni ge so na ngoi so e yeke sara kua na mbeni oko ti atract ni:

1. Hunda atënë so ayeke na ndö ti tract ni.

2. Fa kiringo tënë ti Bible so ayeke na yâ ti versê so ayeke na yâ ti tract ni na nduzu. Tongana ngoi ayeke dä, diko ambeni sango so ayeke na yâ ti tract ni na sara lisoro na ndö ni.

3. Mû tract ni na zo ni, nga wa lo ti diko tanga ni na ngoi so bê ti lo aye.

4. Kozo ti gue, fa na lo hundango tënë so ayeke na mbage “Bâ tënë so” na leke ti bâ kiringo tënë ti Bible na gango ti mo ti peko.

Na ngoi so mo kiri ti bâ lo, kiri tënë na hundango tënë ni so nga zia mbeni hunda ndali ti vizite ti peko. Mo lingbi ti soro mbeni hunda na ndö ti site ti e wala mbeni hunda so ayeke na yâ ti mbeti so a zia na peko ti tract ni. Na mbeni ngoi so alingbi, mo peut ti mû na lo brochure Nzoni tënë so alondo na Nzapa! wala mbeni mbeti so e yeke sara na étude na azo.