Kokkinakis v. Greece: Droit réservé
Reveil ayeke na nduzu na mbage gauche: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
GIGI TI E TI CHRÉTIEN
‘Gbungo koko ti nzoni tënë nga sarango si gere ni aluti ngangu na lege ti ndia’
Na ngoi so awato agi ti kanga lege na azo ti Israël ti leke temple, azo ti kua ni asara ye so ayeke kota ye ti wara droit ti ala na lege ti ndia ti leke ni (Esd 5:11-16). Legeoko nga laso, aChrétien ayeke sara aye so ayeke kota ye ti gbu koko ti nzoni tënë nga ti sara si gere ni aluti ngangu (aPh 1:7). Ti sara ni, na ngu 1936 a zia na sese na kota ndokua ti e mbeni Ndokua so ayeke bâ lege ti atënë so andu ndia. Laso, ndokua so ayeke gbu koko ti atënë so andu Royaume na yâ ti dunia kue. Tongana nyen la ndokua so ayeke mû maboko na kua ti Royaume? Azo ti Nzapa abâ nzoni dä tongana nyen?
BÂ VIDÉO VIZITE TI NDOKUA SO AYEKE BÂ LEGE TI ATËNË SO ANDU NDIA, NA PEKONI KIRI TËNË NA AHUNDA SO:
Akpale wa so andu ndia aTémoin ti Jéhovah awara?
Angbanga wa la e sö benda dä? Fa mbeni tapande ni
Nyen la e oko oko kue e peut ti sara ti ‘gbu koko ti nzoni tënë nga ti sara si gere ni aluti ngangu na lege ti ndia’?
Na place wa la na ndö ti site ti e, e peut ti wara atënë ti ngbanga so andu ndia so abâ awakua ti Jéhovah nga na liste ti aTémoin ti Jéhovah so a kanga ala ndali ti mabe ti ala?