Hundango ndo

◼ Ye wa ayeke nzoni ti sara tongana a mû yanga na mo ti kaï fango tënë?

A si awe so mbeni zo ti lapolice aga nduru na ambeni wafango tënë so ayeke fa tënë, na lo tene na ala so ala yeke sara ye ague nde na ndia nga lo mû yanga na ala ti kaï fango tënë ni. Tongana ye so asi na mo, a yeke nzoni hio nga na mbeni lege so ane zo, mo sigigi na yâ ti territoire ni tongana a mû yanga na mo ti sara tongaso (Mat. 5:41; aPhil. 4:5). Tara pëpe ti leke tënë ni mo mveni na gingo ti sara tënë na zo ni na ndo ti droit so ndia ti kodoro amû na e. Tongana lege ayeke dä, na kode, gi ti wara numero ti matricule ti zo ni nga ti hinga commissariat so lo sara kua dä. Na pekoni, sara tënë ni hio na a-ancien. Fade ala yeke fa kpale ni na filiale. Legeoko nga, tongana zo so ayeke bâ ndo na ndo ti mbeni da wala mbeni gbagba ahunda na mo ti sigigi, a yeke nzoni ti sara ye alingbi na ni na gue mo sara tënë ni na a-ancien. Ti sara ye na ngangu pëpe nga na tâ be-ti-molenge na mbage ti azo so ayeke na komandema alingbi ti sara si e wara kpale senge senge pëpe.​—aProv. 15:1; aRom. 12:18.