HUNDA 17
Bible alingbi ti mû maboko na sewa ti mo tongana nyen?
AKOLI/ABABÂ
“A yeke tongaso si a lingbi akoli andoye awali ti ala tongana terê ti ala wani. Zo so andoye wali ti lo andoye terê ti lo wani, ndali ti so mbeni koli ake terê ti lo wani lâ oko pëpe; me lo mû kobe na ni nga lo yeke ye ni mingi, tongana ti so Christ nga kue ayeke sara na congrégation . . . A lingbi koli oko oko na popo ti ala andoye wali ti lo legeoko tongana ti so lo ndoye terê ti lo wani.”
“Ti ala ababâ, ala son bê ti amolenge ti ala pëpe, me ala ngbâ ti bata ala alingbi na fango lege nga na wango ti gbotongo mê so alondo na Jéhovah.”
AWALI
“A lingbi wali ane koli ti lo mingi.”
“Awali, ala woko terê na gbe ti akoli ti ala tongana ti so alingbi na azo ti Seigneur.”
AMOLENGE
“Amolenge, ala mä yanga ti ababâ na amama ti ala alingbi na ye so bê ti Seigneur aye, ndali ti so sarango tongaso ayeke mbilimbili. ‘Mo ne babâ na mama ti mo.’ A yeke kozo commandement so mbeni zendo ayeke na terê ni: ‘Tongaso si ye aga nzoni na mo, na mo lingbi ti ngbâ aninga na ndö ti sese.’”
“Amolenge, ala mä yanga ti ababâ na amama ti ala na yâ ti aye kue, ndali ti so sarango tongaso anzere na bê ti Seigneur.”