၁ ဘုရင်များ

၂၀ ဆီးရီးယားဘုရင်+ ဗင်ဟာဒဒ်က+ တပ်မတစ်ခုလုံးကို စုရုံးပြီးနောက် ဘုရင် ၃၂ ပါးနဲ့ သူတို့ရဲ့ မြင်းတပ်တွေ၊ မြင်းရထားတပ်တွေကို ခေါ်ပြီး ရှမာရိမြို့ကို+ ဝိုင်းရံတိုက်ခိုက်တယ်။+ ၂ သူက ရှမာရိမြို့ထဲမှာရှိတဲ့ အစ္စရေးဘုရင် အာဟပ်ဆီ+ တမန်တွေလွှတ်ပြီး၊ ၃ “မင်းကြီးရဲ့ ရွှေငွေတွေအပြင် ချောပေ့လှပေ့ဆိုတဲ့ မိဖုရားတွေ၊ သားတော်တွေကို ကျုပ်ပိုင်တယ်” လို့မှာလိုက်တယ်။ ၄ ဒါနဲ့  အစ္စရေးဘုရင်က “အရှင်မင်းကြီးပြောသလို ကျွန်တော်ရော ကျွန်တော့်ဥစ္စာရှိသမျှရော မင်းကြီးပိုင်ပါတယ်”+ လို့ပြန်ပြောတယ်။

၅ အာဟပ်မင်းဆီ တမန်တွေပြန်ရောက်လာပြီး “ဗင်ဟာဒဒ် မှာလိုက်တာက– ‘မင်းကြီးရဲ့ရွှေငွေ၊ မိဖုရားတွေ၊ သားတော်တွေကို ကျုပ်လက်ထဲ အပ်ရမယ်လို့ ပြောထားပြီဆိုတော့၊ ၆ မနက်ဖြန် ဒီအချိန်လောက်မှာ ကျုပ်ရဲ့မင်းမှုထမ်းတွေကို လွှတ်လိုက်မယ်။ သူတို့က မင်းကြီးရဲ့ နန်းတော်နဲ့ မင်းမှုထမ်းတွေရဲ့ အိမ်ကို အသေအချာ ရှာဖွေပြီး အဖိုးတန်တာ မှန်သမျှ သိမ်းယူလိမ့်မယ်’” လို့လျှောက်တင်တယ်။

၇ အဲဒီအခါ အာဟပ်မင်းက အစ္စရေးအကြီးအကဲ အားလုံးကို ခေါ်ပြီး “ကြည့်စမ်းပါဦး။ ငါတို့ကို သူ ဘယ်လောက်တောင် ဒုက္ခပေးချင်နေသလဲမသိဘူး။ ငါ့မိဖုရားတွေ၊ သားတော်တွေ၊ ရွှေငွေတွေကို သူတောင်းတုန်းက ငါမငြင်းခဲ့ဘူး” လို့ပြောတယ်။ ၈ အကြီးအကဲတွေ၊ ပြည်သူပြည်သားတွေက “သူ့စကားကို နားမထောင်ပါနဲ့။ မလိုက်လျောပါနဲ့” လို့လျှောက်တဲ့အတွက်၊ ၉ အာဟပ်မင်းက ဗင်ဟာဒဒ်ရဲ့ တမန်တွေကို “‘ပထမတောင်းဆိုချက်ကို လိုက်လျောမယ်။ ဒုတိယ တောင်းဆိုချက်ကိုတော့ မလိုက်လျောနိုင်ဘူး’ ဆိုပြီး မင်းကြီးကို ပြောလိုက်ပါ” လို့မှာတယ်။ တမန်တွေလည်း ပြန်သွားပြီး အဲဒီအတိုင်း လျှောက်တင်ကြတယ်။

၁၀ ဗင်ဟာဒဒ်မင်းက “ရှမာရိမြို့ကို ကျုပ်ဖျက်ဆီးပစ်မယ်။ ကျုပ်ရဲ့ စစ်သည်တွေ များလွန်းလို့ ရှမာရိမြို့ရဲ့ မြေမှုန့်ဟာ  စစ်သည်တစ်ယောက်စီကို လက်တစ်ဆုပ်စာ ပေးဖို့တောင် လောက်မှာ မဟုတ်ဘူး။ ကျုပ်အနိုင်မရရင် ဘုရားတွေက ကျုပ်ကို ပြစ်ဒဏ် တစ်ခုပြီးတစ်ခု ပေးပါစေ” ဆိုပြီး ပြန်မှာလိုက်တယ်။ ၁၁ အဲဒီအခါ အစ္စရေးဘုရင်က “‘စစ်မတိုက်ရသေးဘဲနဲ့ အောင်နိုင်သူလို လျှောက်ကြွားမနေနဲ့’+ လို့ပြောလိုက်ပါ” ဆိုပြီး ပြန်ပြောတယ်။ ၁၂ ဘုရင်တွေနဲ့အတူ တဲတွေမှာ သောက်စားနေတဲ့ ဗင်ဟာဒဒ်မင်းက အဲဒီစကားကိုကြားတာနဲ့ “တိုက်ခိုက်ဖို့ အသင့်ပြင်ကြ” လို့ မင်းမှုထမ်းတွေကို  အမိန့်ပေးတယ်။ သူတို့လည်း မြို့ကိုတိုက်ဖို့ အသင့်ပြင်ကြတယ်။

၁၃ ပရောဖက်တစ်ယောက်က အစ္စရေးဘုရင် အာဟပ်ဆီ+ လာပြီး “‘ဒီစစ်သည်အလုံးအရင်းကို မြင်သလား။ ဒီနေ့ပဲ သူတို့ကို မင်းလက်ထဲ ငါအပ်မယ်။ ငါဟာ ယေဟောဝါဖြစ်တယ်ဆိုတာ မင်းသိရလိမ့်မယ်’+ လို့ယေဟောဝါဘုရား ပြောတယ်”  ဆိုပြီး  လျှောက်တင်တယ်။ ၁၄ အဲဒီအခါ အာဟပ်မင်းက “ဘယ်သူ့ကိုသုံးပြီး အပ်မှာလဲ” လို့မေးတော့ “‘ခရိုင်ဝန်တွေရဲ့ နောက်လိုက်တွေကိုသုံးပြီး အပ်မယ်’ လို့ယေဟောဝါဘုရား ပြောတယ်” ဆိုပြီး သူဖြေတယ်။ အာဟပ်မင်းက “ဘယ်သူ စတိုက်ရမှာလဲ” လို့မေးတော့ “အရှင်မင်းကြီးပဲ” လို့သူပြောတယ်။

၁၅ အာဟပ်မင်းက ခရိုင်ဝန်တွေရဲ့ နောက်လိုက်တွေကို ရေတွက်တဲ့အခါ ၂၃၂ ယောက်ရှိတယ်။ အစ္စရေးစစ်သည်တွေကို ရေတွက်တဲ့အခါ ၇,၀၀၀ ရှိတယ်။ ၁၆ သူတို့က မွန်းတည့်ချိန်မှာ မြို့ပြင်ကို ထွက်လာကြတယ်။ ဗင်ဟာဒဒ်ကတော့ စစ်ကူပေးတဲ့ ဘုရင် ၃၂ ပါးနဲ့အတူ တဲထဲမှာ သောက်စားနေတယ်။ ၁၇ ခရိုင်ဝန်တွေရဲ့ နောက်လိုက်တွေ အရင်ဆုံးထွက်လာတဲ့အခါ ဗင်ဟာဒဒ်ကလည်း အခြေအနေကို သိရအောင် တမန်တွေ ချက်ချင်းလွှတ်လိုက်တယ်။  တမန်တွေက  “ရှမာရိမြို့ထဲကနေ လူတွေ ထွက်လာကြပြီ” လို့ သတင်းပို့တယ်။ ၁၈ အဲဒီအခါ ဗင်ဟာဒဒ်က “ငြိမ်းချမ်းရေးအတွက် လာတာဖြစ်ဖြစ်၊ စစ်တိုက်ဖို့ လာတာဖြစ်ဖြစ် အရှင်ဖမ်းစေ” လို့အမိန့်ပေးလိုက်တယ်။ ၁၉ ခရိုင်ဝန်တွေရဲ့ နောက်လိုက်တွေနဲ့ စစ်သည်တွေက မြို့ပြင် ထွက်လာပြီး၊ ၂၀ ရန်သူတွေကို ချေမှုန်းကြတယ်။ ဆီးရီးယားတွေ ထွက်ပြေးတော့+ အစ္စရေးတွေ လိုက်တိုက်တယ်။ ဆီးရီးယားဘုရင် ဗင်ဟာဒဒ်က မြင်းစီးသူရဲတချို့နဲ့အတူ မြင်းစီးပြီး ထွက်ပြေးသွားတယ်။ ၂၁ အစ္စရေးဘုရင်လည်း ထွက်လာပြီး မြင်းတပ်တွေ၊ မြင်းရထားတပ်တွေကို တိုက်ခိုက်ချေမှုန်းတဲ့အတွက် ဆီးရီးယားတွေ အကြီးအကျယ် ရှုံးနိမ့်သွားတယ်။

၂၂ နောက်တော့ ပရောဖက်က+ အစ္စရေးဘုရင်ဆီ  လာပြီး  “နှစ်ဆန်းပိုင်းရောက်ရင် ဆီးရီးယားဘုရင် ပြန်လာတိုက်လိမ့်မယ်။+ ဒါကြောင့် မင်းကြီးရဲ့ စစ်အင်အားကို တောင့်တင်းအောင် လုပ်ထားပါ။ ဘာဆက်လုပ်ရမယ်ဆိုတာကိုလည်း စဉ်းစားထားပါ”+ လို့လျှောက်တင်တယ်။

၂၃ ဆီးရီးယားဘုရင်ကို မင်းမှုထမ်းတွေက  “သူတို့ရဲ့  ဘုရားသခင်ဟာ တောင်တွေမှာ စံမြန်းတဲ့ ဘုရားသခင်ပဲ။ ဒါကြောင့် သူတို့ အနိုင်ရတာ။ မြေပြန့်မှာ တိုက်မယ်ဆိုရင် ကျွန်တော်တို့ အနိုင်ရမှာပါ။ ၂၄ တိုက်ပွဲမှာဦးဆောင်ဖို့ ဘုရင်တွေအစား+ ဘုရင်ခံတွေကို ခန့်အပ်လိုက်ပါ။ ၂၅ ပြီးတော့ ကျဆုံးသွားတဲ့ စစ်သည်တွေ၊ မြင်းတပ်၊ မြင်းရထားတပ်နဲ့ ညီမျှတဲ့ စစ်အင်အားကို ပြန်ဖွဲ့စည်းပါ။ မြေပြန့်မှာတိုက်ရင် ကျွန်တော်တို့အနိုင်ရမှာ သေချာတယ်” လို့အကြံပေးတယ်။ ဘုရင်လည်း သူတို့အကြံပေးတဲ့အတိုင်း လုပ်တယ်။

၂၆ နှစ်ဆန်းပိုင်း ရောက်တဲ့အခါ ဗင်ဟာဒဒ်က ဆီးရီးယားစစ်သည်တွေကို စုရုံးပြီးနောက် အစ္စရေးတွေကို တိုက်ခိုက်ဖို့ အာဖက်မြို့ကို+ ချီတက်လာတယ်။ ၂၇ အစ္စရေးတွေလည်း စုရုံးပြီး ရိက္ခာတွေအသင့်ပြင်တယ်။ တိုက်ခိုက်ဖို့ထွက်လာပြီး ဆီးရီးယားတပ်ရှေ့မှာ စခန်းချတယ်။ တစ်ပြည်လုံးအနှံ့ တပ်စွဲထားတဲ့ ဆီးရီးယားတွေနဲ့ ယှဉ်လိုက်ရင် အစ္စရေးတွေက ဆိတ်အုပ်လေး နှစ်အုပ်လို ဖြစ်နေတယ်။+ ၂၈ စစ်မှန်တဲ့ ဘုရားသခင်ရဲ့ လူက အစ္စရေးဘုရင်ဆီ လာပြီး “ယေဟောဝါဘုရား ပြောတယ်– ‘ဆီးရီးယားတွေက “ယေဟောဝါဟာ တောင်တွေမှာ စံမြန်းတဲ့ ဘုရားသခင်ပဲ။ မြေပြန့်မှာ စံမြန်းတဲ့ ဘုရားသခင် မဟုတ်ဘူး” လို့ပြောတဲ့အတွက် ဒီစစ်သည်အလုံးအရင်းကို မင်းလက်ထဲ ငါအပ်မယ်။+ ငါဟာ ယေဟောဝါဖြစ်တယ်ဆိုတာ မင်းသိရလိမ့်မယ်’”+ လို့လျှောက်တင်တယ်။

၂၉ စစ်သည်တွေက ခုနစ်ရက်လုံး မျက်နှာချင်းဆိုင် တပ်စွဲထားတယ်။ ခုနစ်ရက်မြောက်နေ့မှာ တိုက်ပွဲစတင်ပြီး အစ္စရေးတွေက ဆီးရီးယား ခြေလျင်တပ်သား ၁၀၀,၀၀၀ ကို တစ်ရက်တည်း ချေမှုန်းလိုက်တယ်။ ၃၀ ကျန်တဲ့စစ်သည်တွေက အာဖက်မြို့ကို+ ထွက်ပြေးကြတယ်။ အဲဒီစစ်သည် ၂၇,၀၀၀ အပေါ် မြို့ရိုးပြိုကျလာတယ်။ ဗင်ဟာဒဒ်လည်း မြို့ထဲကို ပြေးဝင်ပြီး အိမ်တစ်အိမ်ရဲ့ အတွင်းခန်းထဲ ဝင်ပုန်းနေတယ်။

၃၁ ဒါနဲ့ ဗင်ဟာဒဒ်ရဲ့ မင်းမှုထမ်းတွေက “အစ္စရေးဘုရင်တွေဟာ သနားညှာတာတတ်တယ်လို့ ကျွန်တော်တို့ ကြားဖူးပါတယ်။ ဒါကြောင့် အထည်ကြမ်း* ကိုဝတ်၊ ခေါင်းမှာ ကြိုးခွေကိုစွပ်ပြီး အစ္စရေးဘုရင်ဆီ အခစားဝင်ပါရစေ။ ဒါဆိုရင် မင်းကြီးကို အသက်ချမ်းသာ  ပေးနိုင်ကောင်းပါရဲ့”+ လို့အကြံပေးကြတယ်။ ၃၂ သူတို့လည်း အထည်ကြမ်းတွေဝတ်၊ ခေါင်းမှာ ကြိုးခွေကိုစွပ်ပြီးနောက် အစ္စရေးဘုရင်ဆီ အခစားဝင်ပြီး “မင်းကြီးရဲ့ကျွန် ဗင်ဟာဒဒ်က ‘အသက်ချမ်းသာပေးပါ’ လို့ အသနားခံလိုက်ပါတယ်” ဆိုပြီး လျှောက်တင်တော့ အာဟပ်မင်းက “သူ အသက်ရှင်သေးလား။ သူဟာ ငါ့အဆွေတော်ပဲ” လို့ပြောတယ်။ ၃၃ ဒါဟာ နိမိတ်ကောင်းပဲ၊ စိတ်ရင်းအတိုင်း အာဟပ်မင်း ပြောနေတာပဲဆိုတာကို သူတို့ရိပ်မိသွားတဲ့အတွက် “ဗင်ဟာဒဒ်မင်းဟာ မင်းကြီးရဲ့အဆွေတော်ပါပဲ” လို့ ပြန်လျှောက်တင်ကြတယ်။ အာဟပ်ကလည်း “သူ့ကို ခေါ်လာခဲ့” လို့ပြောပြီး ဗင်ဟာဒဒ်မင်း ရောက်လာတဲ့အခါ မြင်းရထားပေါ် တက်ခိုင်းတယ်။

၃၄ ဗင်ဟာဒဒ်က  “မင်းကြီးရဲ့ ခမည်းတော်ဆီက ကျွန်တော့်ခမည်းတော် သိမ်းပိုက်ခဲ့တဲ့ မြို့တွေကို ပြန်ပေးပါ့မယ်။ ကျွန်တော့်ခမည်းတော်က ရှမာရိမြို့မှာ စျေးတွေတည်ထားသလို မင်းကြီးလည်း ဒမတ်စကတ်မြို့မှာ စျေးတွေတည်ပါ” လို့ ကမ်းလှမ်းတော့

အာဟပ်မင်းက  “ဒီသဘောတူညီချက်အရ မင်းကြီးကို လွှတ်ပေးလိုက်မယ်” လို့ပြောတယ်။

ဒါနဲ့ ဗင်ဟာဒဒ်နဲ့ သဘောတူညီချက်ရယူပြီး လွှတ်ပေးလိုက်တယ်။

၃၅ ယေဟောဝါရဲ့ စကားအတိုင်း ပရောဖက်အုပ်စုထဲက+ တစ်ယောက်ဟာ သူ့မိတ်ဆွေကို “ငါ့ကို ရိုက်စမ်းပါ” လို့ပြောတယ်။ အဲဒီလူက မရိုက်ဘူး။ ၃၆ ဒါနဲ့ ပရောဖက်က “ယေဟောဝါဘုရားရဲ့ စကားကို ခင်ဗျား နားမထောင်တဲ့အတွက် ဒီကနေ ထွက်သွားတာနဲ့ ခြင်္သေ့ကိုက်သတ်လိမ့်မယ်” ဆိုပြီးပြောတယ်။ အဲဒီလူ ထွက်သွားတဲ့အခါ ခြင်္သေ့တစ်ကောင်က သူ့ကို ကိုက်သတ်လိုက်တယ်။

၃၇ ပရောဖက်က  နောက်တစ်ယောက်ကိုတွေ့တော့ “ငါ့ကို ရိုက်စမ်းပါ” လို့ပြောတယ်။ အဲဒီလူက ရိုက်လိုက်တဲ့အတွက် သူ ဒဏ်ရာရသွားတယ်။

၃၈ အဲဒီနောက် ပရောဖက်က လမ်းနားမှာ သွားရပ်ပြီး အာဟပ်မင်းကို စောင့်နေတယ်။ သူက မျက်လုံးကို ပဝါနဲ့စည်းပြီး  ရုပ်ဖျက်ထားတယ်။ ၃၉ အာဟပ်မင်း ဖြတ်လာတဲ့အခါ မင်းကြီးကို အော်ခေါ်ပြီး “တိုက်ပွဲပြင်းထန်တဲ့ နေရာကို ကျွန်တော် သွားခဲ့ပါပြီ။ အဲဒီမှာ စစ်သည်တစ်ယောက် ထွက်လာပြီး ကျွန်တော့်ဆီမှာ လူတစ်ယောက် လာအပ်တယ်။ ပြီးတော့ ‘ဒီလူကို စောင့်ကြည့်ထား။  ပျောက်သွားရင်  သူ့အသက်အတွက် မင်းရဲ့အသက်ကို ပေးရမယ်+ ဒါမှမဟုတ် ငွေ တစ်တဲလင့်* ပေးရမယ်’ လို့ပြောပါတယ်။ ၄၀ ဒါပေမဲ့ ကျွန်တော် အလုပ်ရှုပ်နေတုန်း ရုတ်တရက် အဲဒီလူ ပျောက်သွားပါတယ်” ဆိုပြီး လျှောက်တင်တယ်။ အစ္စရေးဘုရင်က “မင်း ခံရမယ့်ပြစ်ဒဏ်ကို မင်းကိုယ်တိုင် စီရင်ပြီးပြီပဲ” လို့ပြောတယ်။ ၄၁ သူက မျက်လုံးမှာစည်းထားတဲ့ ပဝါကို ဖယ်လိုက်တဲ့အခါ ပရောဖက်ဖြစ်နေမှန်း+ အစ္စရေးဘုရင် သိသွားတယ်။ ၄၂ ပရောဖက်ကလည်း “ယေဟောဝါဘုရား ပြောတာက ‘ဖျက်ဆီးပစ်ရမယ်လို့ ငါပြောထားတဲ့သူကို မင်း လွှတ်ပေးလိုက်တယ်။+ ဒါကြောင့် သူ့အသက်အတွက် မင်းရဲ့အသက်၊+ သူ့လူတွေအစား မင်းရဲ့လူတွေကို ပေးရမယ်’”+ ဆိုပြီး ပြောတယ်။ ၄၃ ဒါနဲ့ အစ္စရေးဘုရင်က မျက်နှာ မသာမယာဖြစ်ပြီး ရှမာရိမြို့မှာရှိတဲ့+ နန်းတော်ဆီ စိတ်ပျက်လက်ပျက် ပြန်သွားတယ်။