၁ ဘုရင်များ

၆ အီဂျစ်ပြည်ကနေ  အစ္စရေးတွေ ထွက်လာပြီးနောက်+ နှစ်ပေါင်း ၄၈၀ ပြည့်နှစ်၊ အစ္စရေးနိုင်ငံမှာ ရှောလမုန်မင်းနန်းစံ လေးနှစ်မြောက်၊ ဇိဖ*+ လို့ခေါ်တဲ့ ဒုတိယလမှာ ယေဟောဝါရဲ့အိမ်တော်ကို* စတင်တည်ဆောက်တယ်။+ ၂ ယေဟောဝါအတွက်  ရှောလမုန်မင်း  တည်ဆောက်တဲ့ အိမ်တော်ဟာ အလျားအတောင်* ၆၀၊ အနံအတောင် ၂၀၊ အမြင့်အတောင် ၃၀ ရှိတယ်။+ ၃ ဗိမာန်တော် မျက်နှာစာမှာရှိတဲ့ မုခ်ဦးရဲ့+ အလျားဟာ အိမ်တော်အနံနဲ့ အတူတူပဲ၊ အလျားအတောင် ၂၀ ရှိတယ်။ မျက်နှာစာဘက်ကို ထွက်နေတဲ့ မုခ်ဦးရဲ့အနံက ၁၀ တောင်ရှိတယ်။

၄ ရှောလမုန်မင်းက အိမ်တော်အတွက် ပြတင်းပေါက်တွေ လုပ်တယ်။ ပြတင်းပေါက်ဘောင်တွေက  အပြင်ဘက်ကို အဆင့်ဆင့်ကျဉ်းသွားတယ်။+ ၅ သန့်ရှင်းရာအခန်းနဲ့* အတွင်းခန်း*+ ရှိရာ အိမ်တော်ပတ်လည်မှာ ဘေးတွဲအဆောင်ကိုလည်း ဆောက်တယ်။ အဲဒီအဆောင်မှာ နံရံကပ်အခန်းတွေ ဖွဲ့ထားတယ်။+ ၆ နံရံကပ်အခန်းတွေက အောက်ဆုံးထပ်မှာ ငါးတောင်၊ အလယ်ထပ်မှာ ခြောက်တောင်၊ အပေါ်ဆုံးထပ်မှာ ခုနစ်တောင် ကျယ်တယ်။ အိမ်တော်နံရံပတ်လည်မှာ ဆင့်တွေ တပ်ထားတယ်။ အခန်းတွေရဲ့ကြမ်းခင်းအတွက် ရက်မတွေကို အဲဒီဆင့်တွေပေါ် တင်ထားတယ်။ ဒါကြောင့် ရက်မတွေတပ်ဖို့ နံရံကိုဖောက်စရာ မလိုတော့ဘူး။+

၇ အိမ်တော်တည်ဆောက်တဲ့အခါ ဆစ်ပြီးသား ကျောက်တွေနဲ့ ဆောက်တဲ့အတွက်+ တူ၊ ပုဆိန်၊ သံထည်ကိရိယာတွေရဲ့  ထုသံကို   မကြားရဘူး။ ၈ အောက်ဆုံးထပ်မှာရှိတဲ့ အခန်းတွေရဲ့ဝင်ပေါက်က  အိမ်တော်ရဲ့တောင်ဘက်မှာ  ရှိတယ်။+  အလယ်ထပ်နဲ့ အပေါ်ဆုံးထပ်ကို ကြောင်လိမ်လှေကားနဲ့ တက်ရတယ်။ ၉ သူက အိမ်တော်ကို ဆက်တည်ဆောက်ပြီး ကျန်တာတွေကို လက်စသတ်တယ်။+ ပြီးတော့ သစ်ကတိုးသား ထုပ်တန်းတွေ၊ ပျဉ်ချပ်တွေနဲ့ အမိုးမိုးလိုက်တယ်။+ ၁၀ အိမ်တော်ပတ်လည်မှာ နံရံကပ်အခန်းတွေ ဖွဲ့တယ်။+ အခန်းတစ်ခန်းစီဟာ ငါးတောင်မြင့်တယ်။ အခန်းတွေကို အိမ်တော်နဲ့  တစ်ဆက်တည်းဖြစ်အောင် သစ်ကတိုးသား ရက်မတွေနဲ့ ဆောက်ထားတယ်။

၁၁ အဲဒီအတောအတွင်းမှာ  ယေဟောဝါက  ရှောလမုန်ကို ၁၂ “ငါ့ဥပဒေတွေအတိုင်း  လိုက်လျှောက်မယ်၊ တရားစီရင်ချက်တွေအတိုင်း လုပ်ဆောင်မယ်၊ ပညတ်ချက်အားလုံးကို လိုက်နာစောင့်ထိန်းမယ်ဆိုရင်+ မင်းရဲ့ခမည်းတော် ဒါဝိဒ်ကို ကတိပေးခဲ့တဲ့အတိုင်း မင်းဆောက်တဲ့ ဒီအိမ်တော်မှာ  ငါစံမြန်းမယ်။+ ၁၃ အစ္စရေးတွေအလယ်မှာ ငါစံမြန်းမယ်။+ ငါ့လူမျိုးအစ္စရေးတွေကို မစွန့်ဘူး”+ လို့ပြောတယ်။

၁၄ ရှောလမုန်လည်း အိမ်တော်ကို ပြီးအောင် ဆောက်တယ်။ ၁၅ အိမ်တော်အတွင်းဘက် နံရံကို သစ်ကတိုးပျဉ်ချပ်တွေနဲ့ ဆောက်တယ်။ ကြမ်းပြင်ကနေ မျက်နှာကြက်မှာရှိတဲ့ ထုပ်တန်းတွေအထိ အတွင်းနံရံကို ပျဉ်ချပ်တွေနဲ့ အုပ်တယ်။ ကြမ်းပြင်ကို ဂျူနီပါထင်းရှူးသားနဲ့ ခင်းတယ်။+ ၁၆ ဒါ့အပြင် အိမ်တော်အနောက်ဘက် နံရံကနေ အတောင် ၂၀ ကျယ်တဲ့အခန်းကို ဖွဲ့တယ်။ ကြမ်းပြင်ကနေ ထုပ်တန်းတွေအထိ အခန်းနံရံကို သစ်ကတိုးပျဉ်ချပ်တွေနဲ့ ကာတယ်။ အဲဒီအခန်းဟာ အိမ်တော်ရဲ့ အတွင်းခန်း၊+ အသန့်ရှင်းဆုံး အခန်းပဲ။+ ၁၇ အသန့်ရှင်းဆုံးအခန်းရှေ့က  သန့်ရှင်းရာအခန်းဟာ*+  အတောင်  ၄၀ ရှိတယ်။ ၁၈ အိမ်တော်အတွင်းနံရံကို အုပ်ထားတဲ့ သစ်ကတိုးသားပေါ်မှာ ဘူးသီးပုံ၊+ ပန်းပွင့်ပုံတွေ+ ထွင်းထားတယ်။ နံရံတစ်ပြင်လုံးကို သစ်ကတိုးသားနဲ့ အုပ်ထားလို့ ကျောက်တွေကို လုံးဝမမြင်ရဘူး။

၁၉ ရှောလမုန်က  အိမ်တော်ထဲမှာ ယေဟောဝါရဲ့ ပဋိညာဉ်သေတ္တာထားဖို့+ အတွင်းခန်းကို+ ပြင်ဆင်တယ်။ ၂၀ အတွင်းခန်းက အလျားအတောင် ၂၀၊  အနံအတောင်  ၂၀၊  အမြင့်အတောင် ၂၀ ရှိပြီး+ ရွှေစင်နဲ့ ရွှေချတယ်။ နံ့သာပေါင်းပလ္လင်ကို+ သစ်ကတိုးသားနဲ့ အုပ်တယ်။ ၂၁ အိမ်တော်အတွင်းဘက်ကို ရွှေစင်နဲ့ ရွှေချတယ်။+ ရွှေချထားတဲ့ အတွင်းခန်းရှေ့မှာ ရွှေကြိုးနဲ့တားထားတယ်။+ ၂၂ အိမ်တော်တစ်ခုလုံးကို ရွှေအတိပြီးသွားအောင် ရွှေချတယ်။ အတွင်းခန်းအနားမှာရှိတဲ့ နံ့သာပေါင်းပလ္လင် တစ်ခုလုံးကိုလည်း ရွှေချတယ်။+

၂၃ အတွင်းခန်းမှာ ဆယ်တောင်စီမြင့်တဲ့ ခေရုဗိမ်ရုပ်နှစ်ရုပ်ကို+ ထင်းရှူးသားနဲ့ လုပ်တယ်။+ ၂၄ ခေရုဗိမ်တောင်ပံက တစ်ဖက်မှာ ငါးတောင်စီ ရှိတယ်။ တောင်ပံရဲ့ ဒီဘက်အဖျားကနေ ဟိုဘက်အဖျားအထိ ဆယ်တောင်ရှိတယ်။ ၂၅ နောက်ခေရုဗိမ်ရုပ်ရဲ့ တောင်ပံလည်း ဆယ်တောင်ပဲ။ ခေရုဗိမ်နှစ်ရုပ်စလုံး အရွယ်အစားရော ပုံစံပါ တူတယ်။ ၂၆ ခေရုဗိမ်နှစ်ရုပ်စလုံး အမြင့်ဆယ်တောင်စီ ရှိတယ်။ ၂၇ အဲဒီခေရုဗိမ်တွေကို+  အတွင်းခန်းထဲမှာ ထားလိုက်တယ်။ တောင်ပံဖြန့်ထားတဲ့အတွက် ခေရုဗိမ်တစ်ရုပ်ရဲ့ တောင်ပံတစ်ဖက်က ဒီဘက်နံရံကို၊ နောက်တစ်ရုပ်ရဲ့ တောင်ပံတစ်ဖက်က ဟိုဘက်နံရံကို ထိနေတယ်။ အခန်းအလယ်မှာလည်း ဖြန့်ထားတဲ့ တောင်ပံနှစ်ဖက်ဟာ တစ်ခုနဲ့တစ်ခု ထိနေတယ်။ ၂၈ ပြီးတဲ့နောက် ခေရုဗိမ်တွေကို ရွှေချလိုက်တယ်။

၂၉ အိမ်တော်ရဲ့ အတွင်းခန်းနံရံမှာရော အပြင်ခန်းနံရံမှာပါ ခေရုဗိမ်ရုပ်၊+ စွန်ပလွံပင်၊+ ပန်းပွင့်ပုံတွေကို+ တစ်ပြင်လုံး ထွင်းထားတယ်။ ၃၀ အိမ်တော်အတွင်းခန်းနဲ့ အပြင်ခန်းရဲ့ ကြမ်းပြင်ကိုလည်း ရွှေချတယ်။ ၃၁ ငါးခုမြောက်အပိုင်း* အနေနဲ့ အတွင်းခန်းဝင်ပေါက်အတွက် ထင်းရှူးသားတံခါးနှစ်ချပ်၊ နံရံကပ်တိုင်တွေ၊  တံခါးတိုင်တွေ လုပ်တယ်။ ၃၂ ထင်းရှူးသား တံခါးနှစ်ချပ်ပေါ်မှာ ခေရုဗိမ်ရုပ်၊ စွန်ပလွံပင်၊ ပန်းပွင့်ပုံတွေ ထွင်းထုပြီး ရွှေချတယ်။ ပြီးတော့ ခေရုဗိမ်ရုပ်တွေနဲ့ စွန်ပလွံပင်ပုံတွေပေါ်က ရွှေကို ညီသွားအောင် ထုတယ်။ ၃၃ လေးခုမြောက်အပိုင်း* အနေနဲ့ သန့်ရှင်းရာအခန်းရဲ့* ဝင်ပေါက်အတွက် ထင်းရှူးသားတံခါးတိုင်တွေကိုလည်း အဲဒီလိုပဲ လုပ်တယ်။ ၃၄ ပြီးတော့ တံခါးနှစ်ချပ်ကို ဂျူနီပါထင်းရှူးသားနဲ့ လုပ်တယ်။ တံခါးတစ်ချပ်မှာ ခေါက်လို့ရတဲ့တံခါးရွက် နှစ်ရွက်စီရှိတယ်။ တံခါးတွေကို ဆုံလည်ခံထားတယ်။+ ၃၅ တံခါးချပ်ပေါ်မှာ ခေရုဗိမ်ရုပ်၊ စွန်ပလွံပင်၊ ပန်းပွင့်ပုံတွေ ထွင်းထုပြီး ရွှေပြားကပ်လိုက်တယ်။

၃၆ အဲဒီနောက် သူက အတွင်းရင်ပြင်တံတိုင်းကို+  ဆောက်တယ်။ တံတိုင်းမှာ ဆစ်ထားတဲ့ကျောက်တုံးသုံးဆင့်၊  သစ်ကတိုးသား  ရက်မ တစ်တန်း ရှိတယ်။+

၃၇ ရှောလမုန်နန်းစံ ၄ နှစ်မြောက်၊ ဇိဖလ* မှာ ယေဟောဝါရဲ့အိမ်တော်ကို  အုတ်မြစ်ချတယ်။+ ၃၈ နန်းစံ ၁၁ နှစ်မြောက်၊ (၈ လပိုင်း) ဗုလ,လ* မှာ အိမ်တော်ပုံစံအတိုင်း+ အသေးစိတ်  ဆောက်ပြီးသွားတယ်။  အိမ်တော်ကို တည်ဆောက်တာ ခုနစ်နှစ်ကြာတယ်။