ဟေရှာယ

၁၈ အင်းဆက်ပိုးသံ တဝီဝီမြည်တဲ့ပြည်၊

အီသီယိုးပီးယားမြစ်ဝှမ်းဒေသမှာ တည်ရှိတဲ့ပြည်ဟာ အဖြစ်ဆိုး ကြုံရလိမ့်မယ်။+

 ၂ အဲဒီပြည်က

“ခြေမြန်တော်တို့၊ သွားကြ။

အရပ်ရှည်ပြီး အသားအရေ ညက်ညောတဲ့ လူမျိုး၊

လူတကာကြောက်ရတဲ့ လူမျိုး၊+

သန်မာပြီး အနိုင်ယူတတ်တဲ့လူမျိုး၊

မြစ်ရေထဲ မျောပါတတ်တဲ့ ပြည်မှာနေထိုင်သူ လူမျိုးဆီ သွားကြ” လို့မှာပြီး

သံတမန်တွေကို ပပိုင်းရပ်ကျူလှေတွေနဲ့ လွှတ်လိုက်တယ်။

 ၃ ပြည်သူပြည်သားအပေါင်းတို့၊ ကမ္ဘာမြေပေါ် နေထိုင်သူအပေါင်းတို့၊

တောင်တန်းတွေပေါ် အလံလွှင့်ထူထားသလို မင်းတို့မြင်ရလိမ့်မယ်။

ဖြာဆင်းလာတဲ့ နေရောင်ခြည်လိုမျိုး၊

ပူပြင်းလှတဲ့ ရိတ်သိမ်းချိန်မှာ ကျလာတဲ့ နှင်းထုလိုမျိုးပေါ့။

 ၅ အပွင့်တွေကြွေပြီး စပျစ်သီးတွေ မှည့်ဝင်းလာပေမဲ့

ဆွတ်ခူးချိန် မရောက်ခင်မှာပဲ

အညွန့်တွေကို တံစဉ်နဲ့ ဖြတ်ပစ်မယ်။

 ၆ သူတို့ကို တောင်တန်းပေါ်က လင်းတတွေအတွက်၊

သားရဲတွေအတွက် ပစ်ထားကြလိမ့်မယ်။

 ၇ အရပ်ရှည်ပြီး အသားအရေ ညက်ညောတဲ့ လူမျိုး၊

လူတကာကြောက်ရတဲ့ လူမျိုး၊

သန်မာပြီး အနိုင်ယူတတ်တဲ့လူမျိုး၊

မြစ်ရေထဲ မျောပါတတ်တဲ့ပြည်မှာ နေထိုင်တဲ့ လူမျိုးက

အဲဒီအချိန်မှာ ဗိုလ်ခြေတို့ရဲ့အရှင် ယေဟောဝါဆီ၊

ဗိုလ်ခြေတို့ရဲ့အရှင် ယေဟောဝါရဲ့နာမည်နဲ့ မှည့်ခေါ်ထားတဲ့ ဇိအုန်တောင်ဆီ လက်ဆောင်ပဏ္ဏာ ယူလာလိမ့်မယ်။”+