မြည်တမ်းစကား
א*
၁ လူစည်ကားခဲ့တဲ့မြို့ဟာ အခုတော့ တစ်ယောက်တည်း ထိုင်နေရပါလား။+
လူမျိုးတွေအလယ်မှာ လူနေထူထပ်ခဲ့တဲ့မြို့ဟာ မုဆိုးမလို ဖြစ်နေပါလား။+
ပြည်နယ်တွေအလယ်မှာ မင်းသမီးဖြစ်ခဲ့သူဟာ ကျွန်ခံနေရပါလား။+
ב
၂ သူဟာ ညမှာ ရှိုက်ကြီးတငင် ငိုနေတယ်။+ ပါးပြင်မှာ မျက်ရည်စိုရွှဲနေတယ်။
ချစ်ရသူတွေထဲမှာ သူ့ကိုနှစ်သိမ့်ပေးမယ့်သူ တစ်ယောက်မှ မရှိဘူး။+
အပေါင်းအဖော်တွေလည်း သစ္စာဖောက်ကုန်ပြီ။+ ရန်သူတွေ ဖြစ်ကုန်ပြီ။
ג
၃ ယုဒဟာ ပြည်နှင်ဒဏ်ခံရပြီ။+ ဒုက္ခရောက်ပြီး ကျွန်ခံနေရပြီ။+
လူမျိုးတွေအလယ်မှာ နေထိုင်ရပြီး+ နားခိုရာ ရှာမတွေ့ဘူး။
ဒုက္ခရောက်နေချိန်မှာ ညှဉ်းပန်းနှိပ်စက်သူတွေ သူ့ကို လာဖမ်းသွားကြပြီ။
ד
၄ ပွဲတော်လာတဲ့သူ တစ်ယောက်မှ မရှိလို့ ဇိအုန်ရဲ့လမ်းတွေ ညည်းတွားနေတယ်။+
မြို့တံခါးတွေ ပျက်စီးနေတယ်။+ ပုရောဟိတ်တွေ သက်ပြင်းချနေတယ်။
အပျိုစင်တွေ ဝမ်းနည်းပူဆွေး နေတယ်။ သူကိုယ်တိုင်လည်း ခါးသီးတဲ့ဝေဒနာ ခံစားနေရတယ်။
ה
၅ ရန်ဘက်တွေဟာ အခုတော့ သူ့သခင် ဖြစ်နေပြီ။ ရန်သူတွေ အပူအပင် ကင်းဝေးနေပြီ။+
အပြစ်များလွန်းတဲ့ သူ့ကို ယေဟောဝါ ဝမ်းနည်းပူဆွေးစေပြီ။+
သားသမီးတွေဟာ ရန်သူရှေ့မှာ သုံ့ပန်းဘဝ ရောက်သွားပြီ။+
ו
၆ ဇိအုန်သမီးပျိုရဲ့ ခမ်းနားမြင့်မြတ်မှုတွေ ပျောက်ဆုံးသွားပြီ။+
မင်းညီမင်းသားတွေဟာ စားကျက်ရှာမတွေ့တဲ့ သမင်ဖိုတွေလို ဖြစ်နေပြီ။
လိုက်ဖမ်းသူရှေ့မှာ မောဟိုက်နေပြီ။
ז
၇ ဂျေရုဆလင်ဟာ ဒုက္ခရောက်ပြီး အိုးမဲ့အိမ်မဲ့ဖြစ်ချိန်မှာ
အတိတ်ကပိုင်ဆိုင်ခဲ့တဲ့ အဖိုးတန်အရာတွေကို+ ပြန်တမ်းတနေတယ်။
သူ့လူတွေ ရန်သူလက်ထဲ ရောက်ပြီး ကူကယ်ရာမဲ့နေချိန်မှာ+
ရန်သူတွေက သူ့အဖြစ်ကိုမြင်ပြီး သူကျဆုံးတာကို ရယ်မောကြတယ်။+
ח
၈ ဂျေရုဆလင်ဟာ ကြီးလေးတဲ့အပြစ် ကျူးလွန်လို့+
ရွံစရာဖြစ်သွားပြီ။
သူ့ကိုဂုဏ်တင်ခဲ့သူတွေ အခုတော့ သူအဝတ်ဗလာဖြစ်နေတာကို မြင်ပြီး အထင်သေးသွားပြီ။+
သူကိုယ်တိုင်လည်း ညည်းတွားပြီး+ အရှက်တကွဲ လှည့်ထွက်သွားပြီ။
ט
၉ သူ့ရဲ့မသန့်ရှင်းမှုဟာ ဝတ်ရုံမှာ စွန်းထင်းနေတယ်။
အနာဂတ်အကြောင်း သူ မစဉ်းစားဘူး။+
သူပြိုလဲသွားတာ မယုံနိုင်စရာပဲ။ နှစ်သိမ့်ပေးမယ့်သူ မရှိပါလား။
ယေဟောဝါဘုရား၊ ကျွန်တော့်ဒုက္ခကို မြင်လှည့်ပါ။ ရန်သူတွေ ကိုယ့်ဂုဏ်ကိုယ်ဖော် နေကြပြီ။+
י
၁၀ သူ့စည်းစိမ်တွေကို ရန်သူတွေ လက်ဝါးကြီးအုပ်လိုက်ပြီ။+
လူမျိုးတော်နဲ့အတူ မစုဝေးရဘူးလို့ ကိုယ်တော် မိန့်မှာထားသူတွေ
သန့်ရှင်းရာဌာနတော်ထဲ ဝင်လာတာကို သူမြင်နေရပြီ။+
כ
၁၁ သူ့လူတွေ သက်ပြင်းချပြီး စားစရာ လိုက်ရှာနေရတယ်။+
မသေရုံတမယ် စားရဖို့ တန်ဖိုးကြီးပစ္စည်းတွေ ပေးလိုက်ရတယ်။
အို ယေဟောဝါ၊ ကျွန်မဟာ တန်ဖိုးမရှိတဲ့မိန်းမလို ဖြစ်နေတာ မြင်လှည့်ပါ။*
ל
၁၂ ဖြတ်သန်းသွားလာသူတို့၊ ကြည့်ကြပါဦး။ ဘယ်လိုမှ မနေကြဘူးလား။
ကျွန်မရဲ့ဝေဒနာမျိုး ဘယ်သူ ခံစားဖူးလို့လဲ။
ယေဟောဝါက အမျက်တော်ထွက်တဲ့နေ့မှာ ကျွန်မကို အဲဒီလိုခံစားစေတယ်။+
מ
၁၃ ဘုရားက ကောင်းကင်ကနေ မီးလွှတ်ပြီး ကျွန်မအရိုးတွေကို လောင်ကျွမ်းစေတယ်။+
ကျွန်မခြေရှေ့မှာ ပိုက်ကွန်ချထားတယ်။ အတင်းပဲ နောက်ပြန်လှည့်ခိုင်းတယ်။
စွန့်ပစ်ခံရတဲ့မိန်းမ ဖြစ်စေတယ်။
ကျွန်မ တစ်နေ့လုံး ဖျားနာနေတယ်။
נ
၁၄ ဘုရားက ကျွန်မအပြစ်တွေကို လက်တော်နဲ့စည်းနှောင်ပြီး ထမ်းပိုးလိုဖြစ်အောင် လုပ်တယ်။
အဲဒီထမ်းပိုးကို လည်ကုပ်ပေါ်တင်တဲ့အတွက် ကျွန်မမှာ အားအင်မဲ့နေပြီ။
ကျွန်မ မခုခံနိုင်သူတွေလက်ထဲကို ယေဟောဝါ အပ်လိုက်တယ်။+
ס
၁၅ ကျွန်မရဲ့ ခွန်အားကြီးသူတွေကို ယေဟောဝါ ဖယ်ရှားလိုက်ပြီ။+
လူငယ်တွေကို နင်းခြေဖို့ လူအုပ်ကို ဆင့်ခေါ်တယ်။+
ယုဒသမီးပျိုကို စပျစ်ကျင်းမှာ ယေဟောဝါ နင်းနယ်တယ်။+
ע
၁၆ ဒါတွေကြောင့် ကျွန်မ ငိုနေရပြီ။+ မျက်ရည်တွေ ချောင်းလိုစီးနေပြီ။
နှစ်သိမ့်မယ့်သူ၊ အားပေးမယ့်သူ အလှမ်းဝေးနေတယ်။
ရန်သူတွေ အနိုင်ရသွားလို့ ကျွန်မရဲ့သားတွေ မရှိတော့ဘူး။
פ
၁၇ ဇိအုန်ဟာ လက်ဖြန့်ထားပေမဲ့+ နှစ်သိမ့်ပေးမယ့်သူ မရှိဘူး။
ယာကုပ်ကို တိုက်ခိုက်ဖို့ ပတ်ဝန်းကျင်ရန်သူတွေကို ယေဟောဝါ အမိန့်ပေးထားတယ်။+
ဂျေရုဆလင်ဟာ သူတို့အတွက် ရွံစရာဖြစ်နေပြီ။+
צ
၁၈ ယေဟောဝါဟာ ဖြောင့်မတ်တယ်။+ အမိန့်တော် ဖီဆန်မိလို့ ကျွန်မ အခုလိုဖြစ်ရတာ။+
လူအပေါင်းတို့၊ နားထောင်ကြ။ ကျွန်မရဲ့ နာကျင်မှုကို ကြည့်ကြ။
ကျွန်မရဲ့ အပျိုလူပျိုတွေ သုံ့ပန်းဘဝ ရောက်ကုန်ပြီ။+
ק
၁၉ ချစ်ရသူတွေကို ကျွန်မ ခေါ်နေလည်းပဲ သူတို့ သစ္စာဖောက်ကုန်ပြီ။+
ပုရောဟိတ်တွေ၊ အသက်ကြီးသူတွေဟာ
အသက်ဆက်နိုင်ဖို့ စားစရာရှာရင်း+ မြို့ထဲမှာ သေဆုံးကုန်ကြပြီ။
ר
၂၀ အို ယေဟောဝါ၊ ကြည့်ပါဦး။ ကျွန်မ ဒုက္ခလှလှ တွေ့နေပြီ။
ရင်ထဲမှာ ဗလောင်ဆူနေပြီ။
အကြီးအကျယ် ပုန်ကန်မိလို့+ စိတ်ယောက်ယက်ခတ်နေပြီ။
အပြင်မှာ ဓားဘေးကြောင့် သေဆုံးကုန်ပြီ။+ အိမ်ထဲမှာလည်း သေဘေးပဲ ရှိတယ်။
ש
၂၁ ကျွန်မရဲ့သက်ပြင်းချသံကို ကြားကြပေမဲ့ နှစ်သိမ့်မယ့်သူ မရှိဘူး။
ရန်သူတွေက ကျွန်မရဲ့ဘေးဆိုးအကြောင်း ကြားကြပြီ။
အဲဒီလိုဖြစ်အောင် ကိုယ်တော်လုပ်လို့ ဝမ်းသာနေကြတာ။+
ဒါပေမဲ့ ကိုယ်တော်ပြောထားတဲ့နေ့ကို သူတို့ကြုံရမှာပါ။+ ကျွန်မလိုပဲ ဖြစ်သွားကြမှာပါ။+
ת
၂၂ ကျွန်မရဲ့ အပြစ်တွေအတွက် ကိုယ်တော် ပြင်းပြင်းထန်ထန် ဒဏ်ပေးသလို
သူတို့ရဲ့ ဆိုးညစ်မှုတွေကို မြင်ပြီး ပြင်းပြင်းထန်ထန် ဒဏ်ပေးပါစေ။+
ကျွန်မ အကြိမ်ကြိမ် သက်ပြင်းချနေရတယ်။ စိတ်နာကျင်နေတယ်။