၈ သင်တိုင်းရက်တဲ့အတိုင်း ရင်ဖုံးကိုလည်း+ ရွှေချည်၊ အပြာရောင်ချည်၊ ခရမ်းရောင်သိုးမွေး၊ ကြက်သွေးရောင်ချည်၊ ချည်ချောတွေနဲ့ အလှဆင် ရက်လုပ်တယ်။+ ၉ ရင်ဖုံးက ခေါက်လိုက်ရင် စတုရန်းပုံရှိတယ်။ အလျားတစ်ထွာ၊ အနံတစ်ထွာရှိတယ်။ ၁၀ ရင်ဖုံးပေါ်မှာ ကျောက်မျက်လေးတန်း စီခြယ်တယ်။ ပထမအတန်းမှာ ပတ္တမြား၊ ဥဿဖရား၊ မြ၊ ၁၁ ဒုတိယအတန်းမှာ စိမ်းပြာကျောက်၊ နီလာ၊ နဂါးသွဲ့၊ ၁၂ တတိယအတန်းမှာ လဲ့ရှမ်ကျောက်၊* သင်္ဘောမဟူရာ၊ ခရမ်းစွဲ၊ ၁၃ စတုတ္ထအတန်းမှာ ပြောင်ခေါင်းစိမ်း၊ မဟူရာကြောင်ဝင်၊ ကျောက်စိမ်းရှိတယ်။ အဲဒီကျောက်မျက်တွေကို ရွှေနဲ့ကွပ်လိုက်တယ်။ ၁၄ ကျောက်မျက်တွေက အစ္စရေးမျိုးနွယ် ၁၂ နွယ်ကို ကိုယ်စားပြုတယ်။ ကျောက်မျက်တစ်လုံးစီမှာ တစ်နွယ်စီရဲ့နာမည်ကို ရေးထွင်းတယ်။