၆ မောရှေလည်း လှည်းနဲ့နွားတွေကို လက်ခံပြီး လေဝိအမျိုးသားတွေကို ပေးလိုက်တယ်။ ၇ ဂေရရှုန်ရဲ့ သားမြေးတွေကို တာဝန်အတွက် လိုအပ်သလိုသုံးဖို့+ လှည်းနှစ်စီး၊ နွားထီးလေးကောင်၊ ၈ မေရာရိရဲ့ သားမြေးတွေကို တာဝန်အတွက် လိုအပ်သလို သုံးဖို့ လှည်းလေးစီး၊ နွားထီးရှစ်ကောင် ပေးလိုက်တယ်။ အဲဒါတွေကို ပုရောဟိတ်အာရုန်ရဲ့သား ဧသမာက ကြီးကြပ်ရတယ်။+ ၉ ကောဟတ်ရဲ့ သားမြေးတွေက သန့်ရှင်းရာ ဌာနတော်နဲ့ဆိုင်တဲ့ အလုပ်တွေကို လုပ်ရပြီး+ မြင့်မြတ်တဲ့ပစ္စည်းတွေကို ကိုယ်တိုင်ထမ်းရမှာဖြစ်လို့+ သူတို့ကိုတော့ လှည်းနဲ့နွားတွေမပေးဘူး။

၂ အဲဒီနောက် ဒါဝိဒ်က “ယေဟောဝါရဲ့ သေတ္တာတော်ကို ထမ်းဖို့၊ ယေဟောဝါရှေ့မှာ အမြဲအမှုဆောင်ဖို့ ရွေးချယ်ခံရသူတွေဟာ လေဝိအမျိုးသားတွေပဲ။ ဒါကြောင့် သေတ္တာတော်ကို လေဝိအမျိုးသားတွေကလွဲလို့ ဘယ်သူမှ မသယ်ရဘူး”+ ဆိုပြီး အမိန့်ပေးတယ်။