၁၆ ဒါဝိဒ် လှမ်းကြည့်တဲ့အခါ ယေဟောဝါရဲ့ ကောင်းကင်တမန်က မိုးနဲ့မြေကြားမှာ ရပ်နေပြီး ဓားကိုင်ထားတဲ့+ လက်ကို ဂျေရုဆလင်မြို့ဘက် ဆန့်ထားတာ တွေ့ရတယ်။ အထည်ကြမ်း*+ ဝတ်ထားတဲ့ ဒါဝိဒ်နဲ့ အကြီးအကဲတွေလည်း ချက်ချင်းပဲ ဦးညွှတ်ပျပ်ဝပ်လိုက်တယ်။+ ၁၇ ပြီးတော့ ဒါဝိဒ်က ဘုရားသခင်ကို “လူဦးရေစာရင်းကောက်ဖို့ ပြောခဲ့တာ ကျွန်တော်ပါ။ ပြစ်မှားသူဟာ ကျွန်တော်ပါ။ ကျွန်တော် အမှားလုပ်ခဲ့တာပါ။+ ဒီလူတွေ* ဘာလုပ်မိလို့လဲ။ ယေဟောဝါဘုရား၊ ကျွန်တော်နဲ့ အဖေ့အိမ်သားတွေအပေါ်မှာပဲ ကိုယ်တော့်လက်  ကျရောက်ပါစေ။ လူမျိုးတော်အပေါ်မှာတော့ ဒီဘေးဆိုး မကျရောက်ပါစေနဲ့”+ ဆိုပြီး အသနားခံတယ်။