၂၉ တရားဇရပ်ကနေ ထွက်လာပြီးနောက် ရှိမုန်နဲ့ အန္ဒြေတို့ရဲ့အိမ်ကို သွားတယ်။ ယာကုပ်နဲ့ ယောဟန်လည်းပါတယ်။+ ၃၀ ရှိမုန်ရဲ့ယောက္ခမ+ ဖျားပြီး အိပ်ရာထဲ လဲနေတယ်ဆိုတာကို ရောက်ရောက်ချင်း ပြောပြတော့၊ ၃၁ ယေရှုက သူ့ဆီကို သွား၊ လက်ကိုကိုင်ပြီး ဆွဲထူလိုက်တယ်။ သူအဖျားပျောက်သွားတဲ့အတွက် သူတို့ကို ဧည့်ဝတ်ပြုတယ်။

၃၂ နေဝင်လို့  ညဦးပိုင်းရောက်တဲ့အခါ လူနာတွေ၊ နတ်ဆိုးပူးသူတွေကို  ယေရှုဆီ  ခေါ်လာကြတယ်။+ ၃၃ မြို့သားအားလုံး အိမ်တံခါးနားမှာ စုဝေးကြတယ်။ ၃၄ ယေရှုက ရောဂါဝေဒနာအမျိုးမျိုးကို ကုပေးပြီး+ နတ်ဆိုးအများကြီးကို နှင်ထုတ်တယ်။ သူဟာ ခရစ်တော်ဖြစ်မှန်း နတ်ဆိုးတွေ သိတဲ့အတွက် သူတို့ကို စကားတစ်ခွန်းမှ ပြောခွင့်မပေးဘူး။

၃၈ ယေရှုက  တရားဇရပ်ကနေ ထွက်ပြီး ရှိမုန်အိမ်ကို သွားတယ်။ ရှိမုန်ရဲ့ယောက္ခမ  အဖျားကြီးနေတဲ့အတွက် ကုသပေးဖို့  အသနားခံကြတယ်။+ ၃၉ ဒါနဲ့ လူနာအနားကို သွားပြီး ကုသပေးလိုက်တဲ့အခါ အဖျားပျောက်သွားတယ်။ ရှိမုန်ရဲ့ ယောက္ခမက ချက်ချင်းပဲ ထပြီး သူတို့ကို ဧည့်ဝတ်ပြုတော့တယ်။

၄၀ နေဝင်ချိန်ရောက်တဲ့အခါ ရောဂါသည်အမျိုးမျိုးကို ခေါ်လာကြတဲ့အတွက် ယေရှုက တစ်ယောက်စီအပေါ် လက်ကိုတင်ပြီး  ကုသပေးတယ်။+ ၄၁ နတ်ဆိုးတွေကလည်း “ခင်ဗျားဟာ ဘုရားသခင်ရဲ့သားပဲ” လို့အော်ဟစ်ပြီး+ သူတို့ဝင်ပူးနေတဲ့ လူတွေထဲကနေ ထွက်လာတယ်။ ဒါပေမဲ့ ယေရှုဟာ ခရစ်တော်ဖြစ်မှန်း နတ်ဆိုးတွေ သိတဲ့အတွက်+ သူတို့ကို စကားတစ်ခွန်းမှ မပြောဖို့ ဆုံးမတယ်။+