• လုကာ ၁၁:၂၉-၃၂
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၂၉ လူတွေ ကြိတ်ကြိတ်တိုး စုရုံးလာတဲ့အခါ ယေရှုက “ဆိုးညစ်တဲ့ ဒီလူမျိုးဆက်ဟာ အံ့ဖွယ်အမှုကို မြင်ချင်ကြတယ်။ ဒါပေမဲ့ ယောနအံ့ဖွယ်အမှုကလွဲလို့ ဘယ်အံ့ဖွယ်အမှုကိုမှ မြင်ရမှာ  မဟုတ်ဘူး။+ ၃၀ ယောန+ ကြုံခဲ့ရတာတွေဟာ နိနဝေမြို့သားတွေအတွက် အံ့ဖွယ်အမှုဖြစ်ခဲ့သလို လူသားကလည်း ဒီလူမျိုးဆက်အတွက် အံ့ဖွယ်အမှုဖြစ်လိမ့်မယ်။ ၃၁ တရားစီရင်ချိန်မှာ တောင်ပြည်ရဲ့ဘုရင်မက+ ဒီလူမျိုးဆက်နဲ့အတူ အသက်ပြန်ရှင်လာပြီး ဒီလူမျိုးဆက်ဟာ အပြစ်ရှိသူတွေဖြစ်မှန်း ထောက်ပြလိမ့်မယ်။ သူဟာ ရှောလမုန်မင်းကြီးရဲ့ ပညာရှိစကားကို ကြားနာဖို့ ဟိုးအဝေးကြီးကနေ လာခဲ့လို့ပဲ။ အခု ဒီနေရာမှာ ရှောလမုန်ထက် ပိုကြီးမြတ်တဲ့သူ ရှိနေတယ်။+ ၃၂ တရားစီရင်ချိန်မှာ  နိနဝေမြို့သားတွေက  ဒီလူမျိုးဆက်နဲ့အတူ အသက်ပြန်ရှင်လာပြီး ဒီလူမျိုးဆက်ဟာ အပြစ်ရှိသူတွေဖြစ်မှန်း ထောက်ပြကြလိမ့်မယ်။ သူတို့က ယောနဟောတဲ့ စကားကြောင့် နောင်တရခဲ့ကြလို့ပဲ။+ အခု ဒီနေရာမှာ ယောနထက် ပိုကြီးမြတ်တဲ့သူ ရှိနေတယ်။