၅ တပည့်တွေက ကမ်းတစ်ဖက်ကို ကူးတဲ့အခါ စားစရာယူလာဖို့ မေ့သွားတယ်။+ ၆ ယေရှုက  “မျက်စိရှင်ရှင်ထားပြီး ဖာရိရှဲနဲ့ ဇဒ္ဒုကဲတို့ရဲ့ တဆေးကို သတိထားကြ”+  လို့ပြောတော့၊ ၇ “ငါတို့ စားစရာမယူလာလို့ အဲဒီလိုပြောတာနေမှာ” ဆိုပြီး သူတို့အချင်းချင်း ပြောကြတယ်။ ၈ ဒါကို ယေရှုသိတော့ “ယုံကြည်ခြင်းနည်းသူတို့၊ စားစရာမပါလာတဲ့အကြောင်း ဘာလို့ပြောနေကြတာလဲ။ ၉ ကျွန်တော် ဘာကိုဆိုလိုနေမှန်း နားမလည်သေးဘူးလား။ မုန့်ငါးလုံးနဲ့ လူ ၅,၀၀၀ ကို ကျွန်တော်ကျွေးပြီးတဲ့နောက် စားကြွင်းစားကျန် လိုက်ကောက်တာ ဘယ်နှစ်တောင်းရမှန်း မမှတ်မိကြဘူးလား။+ ၁၀ မုန့်ခုနစ်လုံးနဲ့ လူ ၄,၀၀၀ ကို ကျွေးပြီးတဲ့နောက်  စားကြွင်းစားကျန်  လိုက်ကောက်တာ  တောင်းကြီးဘယ်နှစ်တောင်း ရတယ်ဆိုတာကိုရော သတိမရကြဘူးလား။+ ၁၁ ကျွန်တော် စားစရာအကြောင်း ပြောနေတာမဟုတ်မှန်း ဘာလို့ နားမလည်တာလဲ။ ဖာရိရှဲနဲ့ဇဒ္ဒုကဲတို့ရဲ့ တဆေးကို သတိထားဖို့ ပြောနေတာ”+  ဆိုပြီးပြောတယ်။ ၁၂ အဲဒီတော့မှ မုန့်ထဲထည့်တဲ့ တဆေးကိုမဟုတ်ဘဲ ဖာရိရှဲနဲ့ ဇဒ္ဒုကဲတို့ရဲ့ သွန်သင်ချက်ကို သတိထားဖို့ ယေရှုပြောနေမှန်း သူတို့နားလည်သွားတယ်။