၂၂ ဂါလိလဲနယ်မှာ တပည့်တွေနဲ့အတူရှိနေတုန်း ယေရှုက “လူသားကို သစ္စာဖောက်ပြီး လူတွေလက်ထဲ အပ်ကြလိမ့်မယ်။+ ၂၃ အသေသတ်ကြလိမ့်မယ်။ သုံးရက်မြောက်နေ့မှာ အသက်ပြန်ရှင်လာမယ်”+ လို့ပြောတဲ့အခါ တပည့်တွေ သိပ်ဝမ်းနည်းသွားကြတယ်။

၃၁ တပည့်တွေကို သွန်သင်ပေးချင်လို့ပဲ။  “လူသားကို  သစ္စာဖောက်ပြီး လူတွေလက်ထဲ အပ်ကြလိမ့်မယ်။ အသေသတ်ကြလိမ့်မယ်။+ လူသားဟာ အသတ်ခံရပေမဲ့ သုံးရက်ကြာရင် အသက်ပြန်ရှင်လာမယ်” ဆိုပြီး သူတို့ကို ပြောပြတယ်။+ ၃၂ တပည့်တွေက ယေရှုပြောတာကို နားမလည်ကြဘူး။ မေးလည်း မမေးရဲကြဘူး။

၃၁ အဲဒီနောက် ယေရှုက တမန်တော် ၁၂ ယောက်ကိုပဲ ခေါ်ပြီး “အခု ကျွန်တော်တို့ ဂျေရုဆလင်မြို့ကို သွားနေတာ။ လူသားနဲ့ပတ်သက်ပြီး ပရောဖက်တွေ ရေးထားသမျှ ပြည့်စုံလာတော့မယ်။+ ၃၂ လူသားကို လူမျိုးခြားတွေလက်ထဲ  အပ်ကြလိမ့်မယ်။+ လှောင်ပြောင်ပြီး+ အရှက်ခွဲကြလိမ့်မယ်၊ တံတွေးထွေးကြလိမ့်မယ်။+ ၃၃ ကျာပွတ်နဲ့ ရိုက်ကြလိမ့်မယ်။ အဲဒီနောက် အသေသတ်ကြလိမ့်မယ်။+ ဒါပေမဲ့ သုံးရက်ကြာရင် အသက်ပြန်ရှင်လာလိမ့်မယ်”+ လို့ပြောပြတယ်။