၃ “ကျွန်တော်ဟာ ကိလိကိပြည်၊+ တာရှုမြို့မှာ မွေးဖွားတဲ့ ဂျူးတစ်ယောက်ပါ။+ ဒီမြို့မှာ ဂါမလျေလရဲ့+ ကိုယ်တိုင်သင်ကြားပေးမှုကို ခံယူပြီး ဘိုးစဉ်ဘောင်ဆက် ကျင့်ခဲ့တဲ့ ပညတ်တရားကို တစ်သဝေမတိမ်း   လိုက်နာဖို့ သွန်သင်ခံခဲ့ရပါတယ်။+ ကျွန်တော်လည်း ခင်ဗျားတို့လိုပဲ ဘုရားသခင်အတွက်   စိတ်အားကြီးတဲ့သူပါ။+

၄ လူတွေ ယုံကြည်အားကိုးတဲ့အရာကို အားကိုးစတမ်းဆိုရင် ကျွန်တော့်မှာလည်း အဲဒီလိုအားကိုးဖို့ ခိုင်လုံတဲ့အကြောင်းရင်း ရှိတယ်။

တခြားသူတွေထက်တောင်မှ ခိုင်လုံတဲ့အကြောင်းရင်း  ပိုရှိသေးတယ်။ ၅ ဘာလို့လဲဆိုတော့ ကျွန်တော်ဟာ ရှစ်ရက်သားအရွယ်မှာ  အရေဖျားဖြတ်ခဲ့သူပါ။+ အစ္စရေးလူမျိုး၊ ဗင်ယာမိန်အနွယ်ဝင်ပါ။ ဟီဘရူးမိဘကနေ မွေးဖွားလာတဲ့ ဟီဘရူးတစ်ယောက်ပါ။+ ပညတ်နဲ့ပတ်သက်လာရင် ဖာရိရှဲတစ်ယောက်ပါ။+ ၆ စိတ်ထက်သန်လွန်းလို့ အသင်းတော်ကို ညှဉ်းဆဲခဲ့တဲ့သူ၊+ ပညတ်ကို တစ်သဝေမတိမ်း လိုက်နာပြီး ဖြောင့်မတ်ဖို့ ကြိုးစားတဲ့သူပါ။