19 Pamene ankanena zimenezi nʼkuti inu mulipo ochepa,

Nʼkuti mulipo ochepa kwambiri komanso muli alendo mʼdzikolo.+

20 Iwo ankayendayenda kuchokera ku mtundu wina kupita ku mtundu wina,

Komanso kuchokera mu ufumu wina kupita kwa anthu a mtundu wina.+

21 Mulungu sanalole kuti munthu aliyense awapondereze,+

Koma anadzudzula mafumu chifukwa cha iwo.+

22 Iye anati: ‘Musakhudze odzozedwa anga,

Ndipo aneneri anga musawachitire choipa chilichonse.’+