28 “Uzatoranye mu Bisirayeli umuvandimwe wawe Aroni+ n’abahungu be,+ ari bo Nadabu, Abihu,+ Eleyazari na Itamari,+ kugira ngo bambere abatambyi.+ 2 Uzabohere umuvandimwe wawe Aroni imyenda* yo gukorana umurimo w’ubutambyi kugira ngo imuheshe icyubahiro n’ubwiza.+ 3 Uzabwire abafite ubuhanga bose, abo nahaye umwuka w’ubwenge,+ babohere Aroni imyenda igaragaraza ko ari umuntu wera, bityo ambere umutambyi.

40 “Naho abahungu ba Aroni+ uzababohere amakanzu, imishumi n’ibitambaro bizingirwa ku mitwe kugira ngo bibaheshe icyubahiro n’ubwiza.+

43 Aroni n’abahungu be bazajye bayambara igihe binjiye mu ihema ryo guhuriramo n’Imana cyangwa igihe begereye igicaniro bagiye gukorera umurimo wabo ahantu hera, kugira ngo batabarwaho amakosa maze bagapfa. Iryo rizamubere itegeko rihoraho, we n’abazamukomokaho.

15 Uzabasukeho ya mavuta nk’uko wayasutse kuri papa wabo,+ kugira ngo bambere abatambyi. Ayo mavuta uzabasukaho azatuma bo n’abazabakomokaho bakomeza kunkorera umurimo w’ubutambyi, uko ibihe bizagenda bisimburana.”+