IGCE CYA 9

Paradizo izabaho ryari?

Imivurungano iri mu isi igaragaza ko Ubwami bw’Imana bugiye kugira icyo bukora. Luka 21:10, 11; 2 Timoteyo 3:1-5

Ibintu bibi byogeye mu minsi y’imperuka: urusimbi, intambara, indwara, inzara, abana basuzugura ababyeyi n’urugombo rukorerwa mu ngo

Bibiliya yavuze mbere y’igihe ibintu byinshi biba muri iki gihe. Yavuze ko abantu bari kuzaba bakunda amafaranga, batumvira ababyeyi, ari abagome kandi bakunda ibinezeza.

Hari kubaho imitingito ikomeye, intambara, inzara n’indwara z’ibyorezo. Ibyo byose biriho muri iki gihe.

Umuhamya wa Yehova abwira umuntu ubutumwa bwiza

Nanone Yesu yavuze ko ubutumwa bwiza bw’Ubwami bwari kubwirizwa mu isi yose.—Matayo 24:14.

Ubwami buzakuraho ubugizi bwa nabi bwose. 2 Petero 3:13

Abantu babi barimburwa kuri Harimagedoni, hanyuma Satani n’abadayimoni bagahanwa

Vuba aha Yehova azarimbura ababi bose.

Satani n’abadayimoni be bazahanwa.

Yesu ari ku ntebe y’Ubwami maze abantu bo mu moko atandukanye bakanezerwa

Abatega Imana amatwi bazarokoka babe mu isi nshya ikiranuka, aho batazongera kugira ubwoba. Abantu bazaba bizerana kandi bakundana.