Inyigisho Zishingiye ku Ijambo ry’Imana

Bibiliya irimo ubutumwa buturuka ku Mana kandi yifuza ko tubumenya. Itwereka uko twagira imibereho myiza n’ibyo twakora kugira ngo twemerwe n’Imana. Nanone isubiza ibibazo bikurikira:

1 Imana ni nde?
2 Wakwiga ute ibyerekeye Imana?
3 Ni nde wanditse Bibiliya?
4 Ese Bibiliya ivuga ukuri mu birebana na siyansi?
5 Bibiliya irimo ubuhe butumwa?
6 Ni iki Bibiliya yahanuye ku birebana na Mesiya?
7 Ni iki Bibiliya yahanuye ku birebana n’igihe turimo?
8 Ese Imana ni yo iteza imibabaro igera ku bantu?
9 Kuki abantu bababara?
10 Ni iki Bibiliya idusezeranya mu gihe kiri imbere?
11 Iyo umuntu apfuye bigenda bite?
12 Ni ibihe byiringiro dufite ku birebana n’abapfuye?
13 Ni iki Bibiliya ivuga ku birebana n’akazi?
14 Wacunga ute umutungo wawe?
15 Ni iki wakora ngo ugire ibyishimo?
16 Ni iki wakora ngo uhangane n’imihangayiko?
17 Bibiliya yafasha ite umuryango wawe?
18 Ni iki wakora ngo ube incuti y’Imana?
19 Ni ubuhe butumwa buri mu bitabo bigize Bibiliya?
20 Ni iki wakora ngo gusoma Bibiliya bikugirire akamaro?

UKO WASHAKA IMIRONGO MURI BIBILIYA

Bibiliya igizwe n’ibitabo bito 66. Igizwe n’ibice bibiri: Ibyanditswe by’Igiheburayo n’Icyarameyi (ari na byo byitwa “Isezerano rya Kera”) n’Ibyanditswe by’Ikigiriki bya Gikristo (ari na byo byitwa “Isezerano Rishya”). Buri gitabo cya Bibiliya na cyo kigabanyijemo ibice n’imirongo. Iyo hatanzwe umurongo w’Ibyanditswe, umubare wa mbere ukurikira izina ry’igitabo uba ari igice, naho umubare ukurikiraho ukaba ari umurongo. Urugero, Intangiriro 1:1, bisobanura ko ari igitabo cy’Intangiriro igice cya 1, umurongo wa 1.