CIGABI CA 9

Mangaci Igulu Lyahinduka Paradizo?

Amalibuko gali hanw’igulu galigayerekana oku Obwami bwa Nnamahanga buli hofi. Luka 21:10, 11; 2 Timoteyo 3:1-5

Amazibu g’ensiku nzinda—ivita, ndwala, bubule bwa biryo, kurharhumikira ababusi, n’okulibuza abantu mulamire nabo omu nyumpa

Ebibliya yalebîre bintu binji biri byabonekana ene. Yadêrha oku abantu bayish’izigira ensaranga, barhakakenga ababusi, bayish’iba baminya, bayish’izigira irala libi.

Kandi yalêba oku hayish’iba emisisi minene, ivita, ishali, n’endwala z’okuyahukira. Ebyo byoshi biri byabonekana ene.

Muhamirizi muguma wa Yehova ali ayalagaziza mulume muguma omwanzi mwinja gw’Obwami

Kandi, Yezu adêrha oku emyanzi minja y’Obwami yayish’iyalagazibwa omw’igulu lyoshi.—Mateyo 24:14.

Obwami bwa Nnamahanga bwayish’iyukiriza amabi goshi. 2 Petro 3:13

Banyankola-maligo bahirigirha oku lusiku lukulu lwa Armagedoni, Shetani n’abazimu bage nabo bahirigirhe

Hano hofi-hofi Yehova ashereza banyankola-maligo boshi.

Shetani n’abazimu bage bayish’ihanwa.

Yezu adamire omu cirhi cage c’Obwami empingu n’obo burhambo bwage buli bwalerhera abantu ba ngasi bûko obushagaluke

Abayumvirhiza Nnamahanga bayish’icira n’okuja omw’igulu lihyahya ly’obushinganyanya, mw’abantu bayish’ilama buzira boba, bayish’izigirana, n’okucikubagirana.