NSIKU 27/5–NSIKU 2/6
ENNANGA 42-44
Lwimbo 86 n’Isala | Enderho z’Enshokolezi (Mun. 1)
1. Okolese Bwinja Enyigirizo Yehova Arhuha
(Min. 10)
Okaharamya Yehova haguma n’abandi, okajira ntyo busu oku busu akaba bihashikine (Enna 42:4, 5; w06-SW 1/6 buk. 9 cif. 4)
Okashenga embere z’okuyiga Akanwa ka Nnâmahanga (Enna 42:8; w12-ZS 15/1 buk. 15 cif. 2)
Oleke okuli kw’Ebibliya kulongoze ngasi cigabi c’akalamo kawe (Enna 43:3)
Enyigirizo zirhenga emwa Yehova zinarhuhe emisi y’okulwisa amarhangulo, n’okugendekera rhwalama kushimbana n’eciragane rhwamuhâga c’okumukolera ensiku zoshi.—1Pt 5:10; w16.09-ZS buk. 6 cif. 11-12.
2. Obuhirhi bw’Ekiroho
(Min. 10)
Enna 44:19, (NWT)—Bici nkaba enderho “bulumba bwa banyambwe” ziganirire? (it-1-F buk. 417)
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?
3. Obusomi bw’Ebibliya
(Min. 4) Enna 44:1-26 (th isomo lya 11)
4. Okurhondeza Enganîro
(Min. 4) MAHUBIRI GA NYUMPA OKU YINDI. Orhondeze ifunzo ly’Ebibliya. (lmd isomo lya 5 nugta ya 5)
5. Okushimbulira Okusimisibwa
(Min. 5) MAHUBIRI GA NYUMPA OKU YINDI. Olalike omuntu oku hotuba y’abantu boshi yakulikira. Oganirire evideo edesire, Bici Bijirwa Aha Nyumpa y’Entimanano? (lmd isomo lya 7 nugta ya 5)
6. Ehotuba
(Min. 3) Broshire lmd enyushûlo A nugta ya 4—Ecirhwe: Ngasi Muntu Ayish’iba n’Amagala Mimana. (th isomo lya 2)
Lwimbo 21
7. Orhôle Emihigo y’Obwenge Lugenda Akazi n’Amasomo
(Min. 15) Nshambalo.
Mwe misole, ka muli mwarheganya ebi mwayish’ijira hano muyusa amasomo g’enyanya? Nkaba hali akazi wakaba warhanyizeko omu bukengere bwawe kayish’ikuha obulyo bw’okuba painiya. Erhi nkaba oli warhanya lugenda ebindi wakasoma byakakurhabala okuba n’obulenga, okupata edokima zikuyemerire okujira emikolo, erhi ediplome yakakurhabala ly’opata akazi ka ntyo. Aka kali kasanzi kinja omu kalamo kawe! Ciru akaba ntyo, wanaciyumva ozidohirwe enyanya z’ebi oshinganine ocishoge erhi enyanya z’okuciyumva osezibwe okurhôla omuhigo gwashagalusa abandi. Bici byakakurhabala ly’orhôla emihigo y’obwenge?
Osome Mateyo 6:32, 33. Enyuma z’aho odose abumvirhiza ntya:
Bulya gurhi kuba kwinja okuba n’emihigo y’ekiroho y’obwalagale omu bukengere embere z’okurhôla emihigo y’obulagirire lugenda akazi n’amasomo?
Gurhi ababusi bakarhabalamwo abana babo okukolesa olwandiko lwa Mateyo 6:32, 33?—Enna 78:4-7
Obe masu ly’orhag’ileka irala ly’okuba na nsaranga nyinji erhi ly’okumanyikana lishumye emihigo yawe. (1Yn 2:15, 17) Okengere oku, okuba na bintu binji by’omubiri kwanarhuma kwaba kuzibu oku muntu okuyemera omwanzi g’Obwami. (Lk 18:24-27) Erhi omuntu akaba ali akola bwenene ly’aba mugale, kwanaba kuzibu kuli ye okuba n’obuyemere busêzire n’okusegeza obwenge bwage oku kushagalusa Yehova.—Mt 6:24; Mk 8:36.
Mulole EVIDEO Oyake Okulangalira Ebintu Byayish’ihwa!—Obugale. Enyuma z’aho, odose abumvirhiza ntya:
Gurhi olwandiko lw’Emigani 23:4, 5 lwakakurhabalamwo okurhôla emihigo y’obwenge?
8. Ifunzo ly’Ebibliya ly’Ecigamba
(Min. 30) bt-ZS cig. 10 cif. 5-12