NSIKU 3-9/6

ENNANGA 45-47

Lwimbo 27 n’Isala | Enderho z’Enshokolezi (Mun. 1)

OBUGALE BW’AKANWA KA MUNGU

Yezu haguma n’omuhya mukazi wage w’olwiganyo bagwarhine okuboko empingu banali balola oku igulu. — Yezu Kristu haguma n’omuhya mukazi wage, balya 144 000

1. Olwimbo Lugenda Obuhya bw’Omwami

(Min. 10)

Olwandiko lw’Ennanga 45 luganirire obuhya bw’Omwami w’Ecimasiya (Enna 45:1, 13, 14; w14-ZS 15/2 buk. 9-10 cif. 8-9)

Obuhya bwa Mwami bwayish’iba enyuma z’ivita lya Armagedoni (Enna 45:3, 4; w22.05 buk. 17 cif. 10-12)

Bene bantu boshi bayish’iyankirira emigisho y’obo buhya (Enna 46:8-11; it-1-F buk. 1041)

OCIDOSE NTYA: ‘K’omurhima gwani guli “gwafukunya mwo [gushagalusire]” okuyaliza omwanzi mwinja lugenda Omwami wirhu, Yezu Kristu?’—Enna 45:1, Mashi Bible.

Abalume n’abakazi bali bashagalukira Eparadizo.

2. Obuhirhi bw’Ekiroho

(Min. 10)

Enna 45:16—Bici olu lwandiko lurhuyigirizize lugenda akalamo omu Paradizo? (w17.04-ZS buk. 11 cif. 9)

Ishuzo lyawe
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?

Ishuzo lyawe

3. Obusomi bw’Ebibliya

(Min. 4) Enna 45:1-17 (th isomo lya 5)

OCIHÂNE BWENENE OMU MUKOLO GW’AMAHUBIRI

4. Okurhondeza Enganîro

(Min. 3) MAHUBIRI G’AKASANZI KOSHI-KOSHI. (lmd isomo lya 1 nugta ya 3)

5. Ehotuba

(Min. 5) ijwbv 26—Ecirhwe: Bici Olwandiko lw’Ennanga 46:10 Luba Luhugwîre? (th isomo lya 18)

6. Okuhugûla Ebi Oba Oyemire

(Min. 4) Onyesho. g-SW 12/10 buk. 22-23—Ecirhwe: Entanya Zawe Ziba Zihi Lugenda Omulume Okujira Ecijiro c’Obuhya n’Owabo Mulume Erhi Omukazi Okujira Ecijiro c’Obuhya n’Owabo Mukazi? (lmd isomo lya 6 nugta ya 5)

AKALAMO K’OMUKRISTU

Lwimbo 131

7. Mugendekere Mwayeresanya Obuzigire omu Buhya Bwinyu

(Min. 10) Nshambalo.

Ecigabi c’omu video “Ihwe ly’Okuba n’Omwishingo omu Buhya: Mukayeresanya Obuzigire.” Mulume muguma ali aha mukage ebize oku irhwe amango batamire haguma oku cirhi.

Amahya kaba kasanzi ka mwishingo munji. (Enna 45:13-15) Kanji-kanji, olusiku lw’obuhya luba luguma lw’omu nsiku z’omwishingo munji bwenene omu kalamo k’omulume n’omukazi barholanaga. Cikone bici omulume n’omukazi barholine bakajira lyo bagendekeza ogo mwishingo haguma omu kalamo kabo?—Muh 9:9.

Lyo baba n’omwishingo bombi haguma, bagwasirwe bagendekere bayeresanya obuzigire. Omulume n’omukazi barholine bashinganine bayige olwiganyo lwa Izaki na Rebeka. Ebibliya erhubwizire oku enyuma z’okuyusa myaka 30 na kulusha omu buhya, bacir’igendekire bayeresanya buzigire bunji. (Murh 26:8) Bici byakarhabala omulume n’omukazi bajire omu buhya okuyeresanya obuzigire buli nk’obwabo?

Mulole EVIDEO Ihwe ly’Okuba n’Omwishingo omu Buhya: Mukayeresanya Obuzigire. Enyuma z’aho, odose abumvirhiza ntya:

Bici byakarhuma omulume n’omukazi bajire omu buhya banyihya okuyeresanya obuzigire?

Ishuzo lyawe
Bici omulume n’omukazi bajire omu buhya bakajira lyo ngasi muguma wabo akaciyumva azigirwe anashibirirwe?—Ebj. 20:35

Ishuzo lyawe