NSIKU 13-19/10

OMUHANÛZI 7-8

Lwimbo 39 n’Isala | Enderho z’Enshokolezi (Mun. 1)

OBUGALE BW’AKANWA KA MUNGU

1. ‘Oje omu Nyumpa Erimw’Emishîbo’

(Min. 10)

Ocihirireho akasanzi k’okurhuliriza abali omu mishîbo [ciriyo] (Muh 7:2; w22.01 buk. 16 cif. 9)

Okarhuliriza abali omu ciriyo omu kuganirira amorhere minja g’omuntu wafîre (Muh 7:1; w19.06 buk. 23 cif. 15)

Okasalira haguma n’abali omu ciriyo (w17.07 buk. 16 cif. 16)

Mulume muguma na mukage bamalambagirira mwene wirhu muguma mukage afîre. Bali balola enfoto ziyerekine akasanzi kinja bagezize haguma na mukage.

OKENGERE NTYA: Mango malebe enyuma z’eciriyo abantu bafîrirwe n’omuzigirwa wabo banabe balagirire oku burhabale bw’ababo bemezi.—w17.07 buk. 16 cif. 17-19.

2. Obuhirhi bw’Ekiroho

(Min. 10)

Muh 7:20-22—Gurhi eyo milongo yakarhurhabalamwo rhuhige erhi rhwaganiza omuntu warhugayisize erhi nanga? (w23.03 buk. 31 cif. 18)

Ishuzo lyawe
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?

Ishuzo lyawe

3. Obusomi bw’Ebibliya

(Min. 4) Muh 8:1-13 (th isomo lya 10)

OCIHÂNE BWENENE OMU MUKOLO GW’AMAHUBIRI

4. Okurhondeza Enganîro

(Min. 2) MAHUBIRI G’AHA NAFASI Y’ABANTU BANJI. Olonze omwanzi gushagaluzize omuntu, onarhôle emipango lyo muyish’iganirira ogo mwanzi agandi mango. (lmd isomo lya 2 nugta ya 4)

5. Okurhondeza Enganîro

(Min. 2) MAHUBIRI G’AKASANZI KOSHI-KOSHI. (lmd isomo lya 2 nugta ya 3)

6. Okushimbulira Okusimisibwa

(Min. 2) MAHUBIRI GA NYUMPA OKU YINDI. Oyerese omuntu kantu kalebe kali oku site jw.org. (lmd isomo lya 9 nugta ya 4)

7. Okuhugûla Ebi Oba Oyemire

(Min. 5) Onyesho. ijwfq-SW mwanzi gwa 50—Ecirhwe: Gurhi Abahamirizi ba Yehova Bajira Eciriyo? (th isomo lya 17)

AKALAMO K’OMUKRISTU

Lwimbo 151

8. Ozibuhye Obuyemere Bwawe omu Bufûke

(Min. 15) Nshambalo.

Higabi hy’omu video “Rhuyige Abakazi Bayerekine Obuyemere Buzibu!—Marta.” Marta na Mariya bagwerhe omwishingo amango bali bayegereza Lazaro enyuma z’okufûka kwage.

Eciragane ca Yehova c’obufûke eri nguma y’omu ngalo z’obulagirire bwenene arhuhîre. Eco ciragane cinarhuyigirize binji lugenda amorhere ga Yehova nka obuhashe bwage, obwenge bwage, obwonjo bwage, na bwenene obuzigire ajira kuli ngasi muguma wirhu.—Yn 3:16.

Erhi akaba rhugwerhe obuyemere busezire omu bufûke, rhurhakayoboha erhi rhwakahikirwa n’amazibu. (2Kr 4:16-18) Na kandi rhwanaba n’omurhûla gw’ekandalala n’oburhulirize amango rhwamahikirwa n’endwala, okulibuzibwa, erhi okufîrwa n’omuzigirwa wirhu. (1Ts 4:13) Rhurhakaba n’omwishingo gw’okunali erhi akaba rhurhagwerhi buyemere omu bufûke. (1Kr 15:19) Ocihirireho omuhigo gw’okuzibuhya obuyemere bwawe mw’obo bulangalire bwinja bwenene.

Osome Yowane 11:21-24. Enyuma z’aho odose abumvirhiza ntya:

Gurhi Marta ayerekinemwo obuyemere busezire omu bufûke?

Ishuzo lyawe
Gurhi ahembirwemwo enyanya z’obuyemere bwage?—Yn 11:38-44

Ishuzo lyawe

Mulole EVIDEO Rhuyige Abakazi Bayerekine Obuyemere Buzibu!—Marta. Enyuma z’aho odose abumvirhiza ntya:

Bulya gurhi oshagalukira obulangalire bw’obufûke?

Ishuzo lyawe
Bici wakajira ly’ogendekera wazibuhya obulangalire bwawe omu bufûke?

Ishuzo lyawe

9. Ifunzo ly’Ebibliya ly’Ecigamba

(Min. 30) lfb isomo lya 26-27