NSIKU 22-28/12
IZAYA 11-13
Lwimbo 14 n’Isala | Enderho z’Enshokolezi (Mun. 1)
1. Bici Ebibliya Yal’idesire Lugenda Masiya?
(Min. 10)
Masiya akabire w’omu iburha lya Yese kugerera omugala Daudi (Iz 11:1; ip-1 buk. 159 cif. 4-5)
Akabire n’iroho litagatifu na wa kurhumikira Yehova (Iz 11:2, 3a; ip-1 buk. 159 cif. 6; buk. 160 cif. 8)
Akabire muzuzi mushinganyanya na wa bwonjo bunji (Iz 11:3b-5; ip-1 buk. 160 cif. 9; buk. 161 cif. 11)
AKANTU K’OKURHANYAKO: Bulya gurhi Yezu ali murhegesi mwinja bwenene kulusha abarhegesi bene bantu boshi?
2. Obuhirhi bw’Ekiroho
(Min. 10)
Iz 11:9, 10—Nk’oku biyerekinwe muli olo lwandiko, mukolo guhi munene bwenene gw’okuyigiriza gwayish’ijirwa gurhasag’ijirwa bundi? (w22.09 buk.20 cif. 2)
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?
3. Obusomi bw’Ebibliya
(Min. 4) Iz 11:1-12 (th isomo lya 11)
4. Okurhondeza Enganîro
(Min. 3) MAHUBIRI GA NYUMPA OKU YINDI. (lmd isomo lya 2 nugta ya 5)
5. Okushimbulira Okusimisibwa
(Min. 4) MAHUBIRI G’AHA NAFASI Y’ABANTU BANJI. Okolese jw.org ly’oshuza okw’idoso omuntu adosagya. (lmd isomo lya 8 nugta ya 3)
6. Okujira Abanafunzi
(Min. 5) Orhabale omwanafunzi wawe acirheganye lyo muja haguma naye omu mahubiri ga nyumpa oku yindi. (lmd isomo lya 11 nugta ya 4)
Lwimbo 57
7. ‘K’Onatwe Emanja Kulya Binashinganine?’
(Min. 15) Nshambalo.
Ngasi lusiku rhunatwire abantu emanja, ciru hali n’amango rhujira ntyo buzira kumanya. Kanji-kanji rhunatwire abandi emanja ziyimangire kw’ebi rhuli rhwabona byone. Cikone, rhuba rhulonzize rhuyige olwiganyo lwa Yezu bulya anatwe emanja omu njira eri lubero. (Iz 11:3, 4) Yezu ajira obuhashe bw’okulaba omu murhima gw’omuntu n’okubona entanya zage, entimanya zage, n’ebimushumya. Rhwehe rhurhajira obuhashe bw’okusoma emirhima y’abantu. Cikone, rhwanacihangana okuyiga olwiganyo lwa Yezu. Adesire ntya: “Murhakag’iluha ocîshîzire! Mukâtwa emanja kulya binashinganine!”—Yn 7:24, Mashi Bible.
Omukolo gwirhu gw’amahubiri gurhakaba n’amalehe minja erhi rhwakakâtwira abandi emanja ziyimangire kw’ebi rhuli rhwabona byone. Kwa lwiganyo, ka rhunarhindire okuhubiri abalungu birhu mpu bulya bali ba bûko bulebe erhi b’idîni lilebe? Na gurhigi lugenda abalungu birhu bagale erhi abali bakenyi? Ka rhunarhanye oku muntu mulebe arhasimisibwe n’omwanzi mwinja enyanya z’oku ali abonekana? Mungu aba ‘alonzize abantu boshi bacunguke banahashimanya okuli.’—1Tm 2:4.
Mulole EVIDEO Eby’Okuyiga omu Ilabiro ly’Akalalizi—Orhakag’itwa Olubanja Kushimbana n’oku Omuntu Ali Abonekana. Enyuma z’aho odose abumvirhiza ntya:
Bici biganirirwe mw’eyo video biyerekine akabôlo?
Erhi akaba rhujira akabôlo lugenda bene wirhu na bali birhu, mazibu gahi oko kwakalerhera ecigamba?
Bici byarhabire Abakristu baganirirwe mw’eyo video lyo bayâka okutwira abandi emanja ziyimangire kw’ebi bali babona byone?
Masomo gahi ociyigirizize kugerera eco cigabi c’Ilabiro ly’Akalalizi?
8. Ifunzo ly’Ebibliya ly’Ecigamba
(Min. 30) lfb isomo lya 46-47