Okucapa Enfoto Kunarhabale Omuntu Okukengera

Nkaba, aka banji muli rhwe, onabone oku kuli kuzibu okukengera ebi wayizire. Cikone, ka wabwine oku kuba kulembu okukengera enyigirizo za Yezu bulya akolesize kanji-kanji enyiganyo? Wanabona ezo nyiganyo omu bukengere, n’oko kunakurhabale okukengera enyigirizo zage. Ko n’oko, wanakengera binji mw’ebi oli wayiga omu kucihangana okubibona omu bukengere. Gurhi wakajiramwo ntyo? Wanajira ntyo omu kucapa enfoto amango oli wayiga.

Abantu bacapa enfoto z’ebintu bihyahya bayizire, kanji-kanji banabikengere bwinja. Okucapa enfoto kunabarhabale okuhugûkwa bwinja, arhali enderho zone cikone kandi n’entanya z’obulagirire bayizire. Barhacapa enfoto zihiziremwo bintu binji bwenene. Okucapa enfoto kunarhabale bwenene abantu bakola bashosi erhi bagikulu okukengera ebi bayizire.

Hano ocib’iyiga, nkaba wanacihangana okucapa nfoto ndebe z’ebi wayizire. Wanayish’isomerwa okubona kunganaci okengire ebi wayizire!