Obe n’Oburhwali bw’Okujira Ebintu Binja Ciru Akaba Abandi Barhalonzizi Ojire Ntyo

Osome Yeremiya 38:1-13 ly’oyiga lugenda oburhwali omulebi Yeremiya ayerekine na towashi Ebed-Meleki.

Orhanye oku kanga omwanzi gwayandikagwamwo. Gurhi Yeremiya ayerekinemwo oburhwali omu kuyaliza omwanzi gwa Yehova? (Yer. 27:12-14; 28:15-17; 37:6-10) Gurhi abantu bajijire enyuma z’okuguyumva?​—Yer. 37:15, 16.

Humbirira ly’ohugûkwa. Bici abantu bal’ilonzize Yeremiya ajire? (jr-SW buk. 26-27 cif. 20-22) Olonze okumanya gurhi emina y’omu mango ga mîra yakag’ikolesibwa na gurhi yal’iyosire. (it-1-F buk. 483-484) Nkaba gurhi Yeremiya aciyumvirhe erhi ali omu mwina gw’ebijondo? Nkaba boba buhi Ebed-Meleki al’igwasirwe ahime?​—w12-ZS 1/5 buk. 31 cif. 2-3.

Obone amasomo wakaciyigiriza. Ocidose ntya:

• ‘Bici ogu mwanzi gunyigirizize lugenda enjira Yehova alangamwo abakozi bage bishwekerezi?’ (Enna. 97:10; Yer. 39:15-18)

• ‘Kanga kahi nayish’iba ndagiriremwo okuyerekana oburhwali?’

• ‘Gurhi nakazibuhyamwo oburhwali bwani lyo njira ebintu binja amango abandi barhalonzizi njire ntyo?’ (w11-ZS 1/3 buk. 30)a